The news is by your side.

Advertisement

مسلم لیگ ن کے رہنما جاوید لطیف کی آج رہائی کاامکان

لاہور : مسلم لیگ ن کے رہنما جاویدلطیف کی آج رہائی کاامکان ہے ، عدالت نے جاوید لطیف کو 2،2لاکھ کے 2 ضمانتی مچلکے جمع کرانے کا حکم دیا تھا۔

تفصیلات کے مطابق مسلم لیگ ن کے رہنما جاوید لطیف کی آج رہائی کاامکان ہے ، ضمانتی مچلکےجمع ہونے پر روبکار جاری کی جائے گی ، عدالت نے جاوید لطیف کو 2،2 لاکھ کے 2 ضمانتی مچلکے جمع کرانے کا حکم دیا تھا۔

دوسری جانب ایڈیشنل سیشن جج نے جاوید لطیف کی ضمانت کا 4صفحات پرمشتمل فیصلہ جاری کردیا ہے ، جس میں کہا گیا ہے کہ ایف آئی آرمیں بغاوت سے متعلق کوئی واضح الزام نہیں، کس ادارے کیخلاف بیان دیا تفتیشی رپورٹ میں کوئی ذکر نہیں۔

فیصلے میں کہا ہے کہ مدعی نے ایک اندیشے کی بنیاد پرایف آئی آر درج کرائی، جاوید لطیف کیخلاف بغاوت پرمبنی مواد ریکارڈ پر موجود نہیں، جاوید لطیف کی ضمانت منظور کی جاتی ہے ، جاوید لطیف 2،2لاکھ کے ضمانتی مچلکے جمع کرائیں۔

Comments

یہ بھی پڑھیں