اسلام آباد : سابق گورنر سندھ محمد زبیر نے حکومت کی تعریف کرتے ہوئے کہا ملک کی لوٹی ہوئی دولت واپس آنی چاہیئے اور حکومتی اقدام میں سب کو سپورٹ کرنا چاہیئے۔
تفصیلات کے مطابق حکومت کے پاکستان اوربرطانیہ کے درمیان انصاف اوراحتساب کے معاہدے کے بڑے اقدام پر مخالفین بھی تعریف کرنے لگے، رہنما مسلم لیگ ن اور سابق گورنر سندھ محمد زبیر نے حکومتی اقدام کی تعریف کرتے ہوئے کہا برطانیہ سے ایسا معاہدہ ہوتا ہے تو یہ اچھی بات ہے۔
محمد زبیر کا کہنا تھا کہ پاکستان کی لوٹی دولت واپس لانے کے لئے اقدامات اچھی بات ہے، اسحاق ڈار ہو یا کوئی بھی ہو ان کے خلاف کارروائی ہونی چاہیے اور حکومتی اقدام میں سب کو سپورٹ کرنا چاہیئے۔
یاد رہے پاکستان اور برطانیہ کے درمیان انصاف اور احتساب کا معاہدہ ہوگیا، معاہدے کے مطابق ملزمان کی حوالگی اور پاکستانی اثاثوں کی ریکوری کے لیے دوبارہ کام کیا جائے گا اور منی لانڈرنگ کے تدارک کیلئے دونوں ممالک اقدامات کریں گے۔
معاہدے کا مقصد پاکستان کی لوٹی دولت کو واپس لانا ہے۔
مزید پڑھیں : پاکستان اور برطانیہ کے درمیان انصاف اور احتساب کا معاہدہ طے
برطانوی وزیر داخلہ ساجد جاوید کا کہنا تھا کہ دہشت گردی کے خلاف پاکستان کے ساتھ مل کر کام کرنا چاہتے ہیں، پاکستانی مصنوعات کی برطانوی مارکیٹ تک رسائی آسان بنائیں گے، وزیر اعظم عمران خان کے ساتھ منی لانڈرنگ کے خلاف گفتگو ہوئی، منی لانڈرنگ کے تدارک کے لیے پاکستان برطانیہ مل کر کام کریں گے۔
ساجد جاوید نے کہا تھا کہ منی لانڈرنگ مشترکہ مسئلہ ہے، گرے لسٹ سے نکلنے میں بھی پاکستان کی مدد کریں گے، ملزمان کی حوالگی سےمتعلق کابینہ کی منظوری کےبعدکام شروع ہو جائے گا، قیدیوں کے تبادلے سے متعلق بات چیت شروع کررہے ہیں۔
اس سے قبل قوم کی لوٹی ہوئی دولت واپس لانے کے لئے وزیراعظم عمران خان سے برطانوی وزیر داخلہ ساجد جاوید کی اہم ملاقات ہوئی،
