The news is by your side.

Advertisement

قومی احتساب بیورو نے ن لیگی رہنما رانا مشہود کو ایک بار پھر طلب کرلیا

لاہور : نیب لاہور نے پنجاب اسپورٹس فیسٹیول تحقیقات میں مسلم لیگ ن کے رہنما اور سابق وزیر تعلیم رانا مشہود کو پھر طلب کرلیا، 22اگست کی صبح گیارہ بجے کے نوٹس جاری کردیئے گئے۔

تفصیلات کے مطابق قومی احتساب بیورو ( نیب ) نے پنجاب اسپورٹس فیسٹیول تحقیقات میں سابق صوبائی وزیر رانا مشہود کو ذاتی حیثیت میں ایک بار پھر طلب کرلیا ہے۔

اس حوالے سے ذرائع کا کہنا ہے کہ نیب نے رانا مشہود کو رواں ماہ 22 اگست کو گیارہ بجے طلب کیا ہے۔ رانا مشہود کو اسپورٹس بورڈ پنجاب میں مبینہ بے ضابطگیوں کی تحقیقات پر طلب کیا گیا۔

وہ اس سے قبل 8 اگست کو نیب میں پیش ہو چکے ہیں۔ ذرائع کا مزید کہنا تھا کہ ن لیگی رہنما نیب کی تحقیقاتی ٹیم کو مطمئن نہیں کر سکے تھے۔

یاد رہے کہ سابق صوبائی وزیر نے نیب تحقیقات سے بچنے کے لیے29 جون کو لاہور ایئر پورٹ سے بیرون ملک فرار کی کوشش تھی لیکن نیب کی جانب سے سابق صوبائی وزیر کا نام بلیک لسٹ میں ہونے کی وجہ سے ایئر پورٹ حکام نے فرار کی کوشش ناکام بنا دی تھی۔

نیب رانا مشہود کے خلاف پنجاب یوتھ فیسٹیول میں کروڑوں روپے کے کرپشن اسیکنڈل کی تحقیقات کر رہا ہے اور رانا مشہود اس سلسلے میں نیب میں پیش بھی ہوچکے ہیں اور نیب کی ہی درخواست پر وزارت داخلہ نے ان کا نام بلیک لسٹ میں شامل کیا تھا۔

Comments

comments

یہ بھی پڑھیں