The news is by your side.

مسلم لیگ ن کے رہنما کا عمران خان کو چیلنج

اسلام آباد : مسلم لیگ ن کے رہنما محسن شاہ نواز رانجھا نے عمران خان کو چیلنج کرتے ہوئے کہا ہے کہ اثاثے چھپانے کے میرے الزام کو غلط ثابت کردیں تو سیاست چھوڑ دوں گا۔

تفصیلات کے مطابق مسلم لیگ ن کے رہنما محسن شاہ نواز رانجھا نے توشہ خانہ ریفرنس میں عمران خان کی نااہلی کی سماعت کے بعد الیکشن کمیشن کے باہر میڈیا سے گفتگو کی۔

محسن شاہ نواز رانجھا نے کہا کہ الیکشن کمیشن میں پی ڈی ایم کی طرف سے ریفرنس دائر کیا گیا تھا ، جس میں الیکشن کمیشن نے عمران خان کے وکیل کو ایک ہفتے کا وقت دیا ہے۔

ن لیگی رہنما کا کہنا تھا کہ عمران خان نے اثاثے چھپائے ہیں وہی کاغذ ساتھ لگائے ہیں۔

انھوں ن نے کہا عمران خان کو چیلنج کرتا ہوں اثاثے چھپانے کے الزام کو غلط ثابت کریں، سیاست چھوڑ دوں گا

محسن شاہ نواز کا کہنا تھا کہ عمران خان ہر جلسے میں توشہ خانہ کی وضاحت بھی دیں ، ایک طرف لوگ سیلاب میں ہیں دوسری طرف عمران خان جلسہ کرتے ہیں۔

Comments

یہ بھی پڑھیں