The news is by your side.

Advertisement

سیاسی مخالفین بھی وزیر اعظم کے خطاب کی تعریف پر مجبور

نارووال: مسلم لیگ ن کے ممبر صوبائی اسمبلی غیاث الدین نے اقوام متحدہ کی جنرل اسمبلی میں وزیر اعظم عمران خان کی تقریر کی تعریف کر دی ہے۔

تفصیلات کے مطابق اپنے تو اپنے مخالفین بھی عمران خان کے یو این میں خطاب کی تعریف کرنے پر مجبور ہو گئے ہیں، ن لیگی ایم پی اے غیاث الدین نے بھی تقریر کی تعریف کر دی۔

غیاث الدین نے کہا اقوام متحدہ میں وزیر اعظم عمران خان نے عالمی قوتوں کے ضمیر کو جھنجھوڑا ہے۔

ن لیگی ایم پی اے کا کہنا تھا وزیر اعظم عمران خان نے مودی کا چہرہ بے نقاب کر دیا، وزیر اعظم نے کشمیریوں کا مقدمہ بہترین انداز میں پیش کیا۔

یہ بھی پڑھیں:  اقوام متحدہ دو نیوکلیئر طاقتوں‌ کے آمنے سامنے آنے سے پہلے اپنا کردار ادا کرے، وزیراعظم

ایم پی اے غیاث الدین نے اعتراف کیا کہ وزیر اعظم عمران خان اسلامی دنیا کے لیڈر بن گئے ہیں۔

واضح رہے کہ وزیر اعظم عمران خان نے جنرل اسمبلی سے خطاب میں دنیا پر واضح کیا کہ بھارت مقبوضہ کشمیر میں نہتے لوگوں پر بد ترین مظالم ڈھا رہا ہے، اقوام متحدہ کو کشمیریوں کو حق خود ارادیت دلانا پڑے گا۔

وزیر اعظم نے کہا کہ صرف ایک اسلام ہے، مغربی رہنماؤں نے دہشت گردی کو اسلام سے جوڑا، اسلامو فوبیا سے مسلمانوں کو تکلیف پہنچی، اللہ کے رسول ہمارے دلوں میں رہتے ہیں، ہولوکاسٹ کے بارے میں احتیاط کی جاتی ہے کہ یہودیوں کو تکلیف ہوتی ہے، ہم بھی چاہتے ہیں اللہ کے رسول کی عزت کی جائے، توہین رسالت سے مسلمانوں کے دلوں میں تکلیف ہوتی ہے۔

Comments

comments

یہ بھی پڑھیں