The news is by your side.

Advertisement

ن لیگ نے فضل الرحمان کی حلف بائیکاٹ کی تجویز کو مسترد کردی

لاہور :مسلم لیگ ن نے مولانا فضل الرحمٰن کی حلف بائیکاٹ کی تجویز کو مسترد کر دیا، ن لیگ کےرہنماؤں کا کہنا ہے تجویز ناقابل عمل اور جمہوریت کیلئے نقصان دہ ہے۔

تفصیلات کے مطابق مسلم لیگ ن نے فضل الرحمان کی حلف بائیکاٹ کی تجویز مسترد کردی، رہنماؤں نے مؤقف میں کہا کہ تجویزناقابل عمل اورجمہوریت کیلئے نقصان دہ ہے، دھاندلی کیخلاف احتجاج ریکارڈ کرایا جائے۔

شہبازشریف نے تجویز پر پارٹی میں مشاورت کا عمل وسیع کرنے کا فیصلہ کیا اور کہا کہ 2 سے 3 روزمیں فضل الرحمان کو مؤقف سے آگاہ کریں گے۔


مزید پڑھیں : آل پارٹیز کانفرنس، دوبارہ انتخابات کے لیے تحریک چلانے کا اعلان


گذشتہ روز انتخابات میں مبینہ دھاندلی سے متعلق وفاقی دارالحکومت میں آل پارٹیز کانفرنس میں جمعیت علماء اسلام (ف) کے سربراہ مولانا فضل الرحمان کا کہنا تھا کہ آل پارٹیز کانفرنس میں شریک جماعتوں نے الیکشن کو مسترد کردیا، دوبارہ انتخابات کرانے کے لیے تحریک چلائیں گے۔

مولانا فضل الرحمان کا کہنا تھا کہ کانفرنس میں تمام جماعتوں نے اتفاق کیا کہ کوئی بھی رکن حلف نہیں اٹھائے گا البتہ شہباز شریف نے اس کی مخالفت کی، پارلیمنٹ کے اندر الیکشن کمیشن کو اختیارات دیے اور اب ملک میں ازسر نو جمہوریت کی بحالی کے لیے ہم سب آگے بڑھیں گے اور دیکھیں گے کہ یہ لوگ ایوان کس طرح چلائیں گے۔

یاد رہے مسلم لیگ ن کے صدر شہباز شریف نے انتخابی نتائج مسترد کرتے ہوئے آل پارٹیز کانفرنس طلب کی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں