جمعرات, فروری 6, 2025
اشتہار

(ن) لیگ نے نواز شریف کے استقبال کیلیے تیاریوں کا آغاز کر دیا

اشتہار

حیرت انگیز

لاہور: مسلم لیگ (ن) نے اپنے قائد نواز شریف کی لندن سے وطن واپسی پر استقبال کیلیے تیاریوں کا آغاز کر دیا۔

صدر (ن) لیگ لاہور سیف کھوکھر نے بتایا کہ نواز شریف 15 اکتوبر کو پاکستان آ رہے ہیں، ان کا لاہور میں تاریخ ساز استقبال ہوگا، ان کی وطن واپسی سے قبل شہر کے تمام حلقوں میں کنونشن ہوں گے۔

سابق وزیر اعظم نواز شریف کی پاکستان واپسی کیلیے (ن) لیگ متعدد بار تاریخیں دے چکی ہے۔ گزشتہ ماہ ذرائع نے ار آر وائی نیوز کو بتایا کہ وہ 15 اکتوبر کو واپسی کا ارادہ رکھتے ہیں، بعدازاں پارٹی رہنماؤں نے بھی خبر کی تصدیق کی۔

ذرائع نے بتایا تھا کہ نواز شریف 15 اکتوبر کو پاکستان واپس جائیں گے اور اس تاریخ کا فیصلہ شریف فیملی کی ملاقات میں کیا گیا۔ ان کی واپسی سے متعلق اس سے قبل ستمبر کے وسط کی تاریخ دی گئی تھی۔

اس سے قبل فیملی ذرائع سے پتا چلا تھا کہ نواز شریف کی پاکستان واپسی حتمی مراحل میں داخل ہوگئی۔ بتایا گیا تھا کہ ان کی ستمبر میں پاکستان واپسی کیلیے مشاورت جاری ہے جبکہ ان کے وکلا نے واپسی کا مشورہ دیا۔

فیملی ذرائع کے مطابق سابق وزیر اعظم کی واپسی کے انتظامات کو حتمی شکل دے دی گئی، شہباز شریف اور مریم نواز ان کی واپسی سے متعلق مسلسل رابطے میں ہیں۔

بتایا گیا تھا کہ سپریم کورٹ ریویو آف آرڈر اینڈججمنٹس فیصلے کے باوجود نواز شریف واپس جائیں گے۔ واپسی پر قانونی مشکلات اور سابق وزیر اعظم کے وکلا نے دفاع کی مکمل تیاریاں کر لیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں