یوم یکجہتی کشمیر ، مسلم لیگ ن کا مظفرآباد میں جلسہ، نوازشریف خطاب کریں گےPML-N
The news is by your side.

Advertisement

یوم یکجہتی کشمیر ، مسلم لیگ ن کا مظفرآباد میں جلسہ، مریم نواز اور نوازشریف خطاب کریں گے

مظفر آبا د: یوم یکجہتی کشمیر پر ن لیگ مظفرآباد میں سیاسی قوت دکھائے گی، جلسےکی تیاریاں زور و شور سے جاری ہیں ، نوازشریف اور مریم نواز سمیت آزادکشمیر کے وزیراعظم خطاب کریں گے۔

تفصیلات کے مطابق یوم یکجہتی کشمیر کے موقع پر مسلم لیگ (ن) آج مظفرآباد میں جلسہ کرنے جارہی ہے، یونیورسٹی گراؤنڈ میں پنڈال سج گیا، جلسے کی تیاریوں کو حتمی شکل دے دی گئی۔

یونیورسٹی گراؤنڈ میں بڑی تعداد میں کرسیاں لگائی گئی ہیں جبکہ جلسہ گاہ میں پارٹی پرچموں کی بہار ہے اور بڑے بڑے پینافلیکس آویزاں کر دیئے گئے۔

اس موقع پر سکیورٹی کے سخت انتظامات کئے گئے۔

مسلم لیگ ن کے صدر نا اہل وزیراعظم نواشریف، ان کی صاحبزادی مریم نواز اور وزیراعظم آزاد کشمیر راجا محمد فاروق حیدر سمیت مسلم لیگ (ن) کے دیگر مرکزی قائدین جلسے عام سے خطاب کریں گے۔


مزید پڑھیں : عوامی عدالت نے طلال اور دانیال کے حق میں فیصلہ سنا دیا، نوازشریف


یاد رہے کہ پشاور میں مسلم لیگ ن کے جلسہ عام سے خطاب کرتے ہوئے نوازشریف کا کہنا تھا کہ طلال چوہدری اور دانیال عزیز پر توہین عدالت کا الزام لگا کر طلب کرلیا گیا مگر عوامی عدالت نے میری نااہلی سمیت تمام نوٹسس کا فیصلہ سنا دیا، انتخابات میں مسلم لیگ ن کو ووٹ دیں تاکہ پارلیمنٹ کو مضبوط کر کے عدالتی فیصلہ ختم کرسکیں۔

ان کا کہناتھا کہ مجھے ہمیشہ کے لیے نااہل قرار دے دیا گیا۔ کیا آپ کو یہ فیصلہ منظور ہے؟ کیا اس طرح کے فیصلے سے آپ کا اور میرا تعلق ختم ہوسکتا ہے؟‘، آئندہ انتخابات میں مسلم لیگ ن کو ووٹ دیں تاکہ پارلیمنٹ میں قوانین بناکر عدالتی فیصلے کو ختم کیا جائے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Comments

comments

یہ بھی پڑھیں