The news is by your side.

Advertisement

مسلم لیگ ن الیکشن 2018 کے لیے پارٹی منشور آج پیش کریں گے

لاہور : مسلم لیگ ن الیکشن 2018 کے لیے پارٹی منشور آج اعلان کریں گے، گذشتہ دور حکومت میں مکمل کیے جانے والے منصوبوں کا ذکر بھی منشور میں کیا جائے گا۔

تفصیلات کے مطابق مسلم لیگ ن کے صدر شہباز شریف لاہور میں مرکزی قیادت کے ہمراہ پریس کانفرنس میں انتخابی منشور کا اعلان کریں گے، منشور میں گذشتہ دور حکومت میں مکمل کیے جانیوالے منصوبوں کا بھی ذکر ہوگا۔

کسانوں مزدوروں کو ریلیف، کھاد، سستی زراعت کے لیے بجلی کی فراہمی اور خواتین کو مالی طور پر مستحکم بنانے کے اعلانات بھی منشور کا حصہ ہوں‌ گے جبکہ تعلیم اور صحت کے لیے انقلابی اقدامات کے وعدے، پانی کی قلت سے نمٹنے کے لیے چھوٹے بڑے ڈیموں کی تعمیر کو بھی منشور کا حصہ بنایا جائے گا۔

مسلم لیگ نون منشور میں روز گار کے مواقع پیدا کرنے کے حوالے سے بھی اہم اعلانات کرے گی اور پینے کے صاف پانی کے لیے اقدامات اور جنوبی پنجاب کی ترقی کے وعدے کئے جائیں گے.

منشورمیں کراچی، بلوچستان سمیت ملک بھر میں امن و امان کی صورتحال مزید بہتر کرنے پر بھی لائحہ عمل دیا جائے گا۔

خیال رہے کہ انتخابات 2018 کے لیے سیاسی جماعتوں کی انتخابی مہم میں دن بدن تیزی آ رہی ہے اور مختلف جماعتیں اپنے منشور کا اعلان کرچکی ہے۔

واضح رہے ملک بھر میں 25 جولائی کو انتخابات کا انعقاد کیا جائے گا ، جس کے سلسلے میں انتظامات کو حتمی شکل دی جا رہی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں