مسلم لیگ ن کا چوہدری نثار کے خلاف امیدوار کھڑا نہ کرنے کا فیصلہ -
The news is by your side.

Advertisement

مسلم لیگ ن کا چوہدری نثار کے خلاف امیدوار کھڑا نہ کرنے کا فیصلہ

لاہور: مسلم لیگ ن نے چوہدری نثار کے خلاف امیدوار کھڑا نہ کرنے کا فیصلہ کر لیا ہے، تاہم ٹکٹ یا امیدوار نہ لانے سے متعلق نواز شریف حتمی فیصلہ کریں گے۔

تفصیلات کے مطابق ن لیگ نے فیصلہ کیا ہے کہ وہ چوہدری نثار کے خلاف اپنا امیدوار کھڑا نہیں کرے گی، کہا جا رہا ہے کہ چوہدری نثار کی گزشتہ روز کی پریس کانفرنس کام کر گئی ہے۔

ذرائع کا کہنا ہے کہ مسلم لیگ ن کے مرکزی رہنما چوہدری نثار کے خلاف امیدوار نہ لانے کے متبادل آپشن پر غور اور مشورے کر رہے ہیں۔

ذرائع کا یہ بھی کہنا ہے کہ گزشتہ روز اسلام آباد میں کی جانے والی چوہدری نثار کی پریس کانفرنس کام کر گئی ہے، شہباز شریف بھی ان کے لیے نرم گوشہ رکھتے ہیں۔

واضح رہے کہ سابق وزیرِ داخلہ چوہدری نثار نے گزشتہ روز کہا تھا کہ وہ پارٹی سے ناراض نہیں، انھوں نے صرف نواز شریف سے اختلاف کیا تھا جو خود ان کے لیے سود مند تھا۔

ضمیرپربوجھ کے ساتھ نوازشریف کی صدارت کے بل پردستخط کیا، چوہدری نثار


چوہدری نثار نے واضح طور پر اعلان کیا کہ نواز شریف یا مسلم لیگ ن کو نقصان پہنچانے کا وہ سوچ بھی نہیں سکتے، ن لیگ کی ایک ایک اینٹ خود لگائی تو نقصان کیسے پہنچا سکتا ہوں۔

انھوں نے جھوٹی اور غلط خبروں کے سلسلے میں آگاہ کرتے ہوئے کہا کہ میڈیا محتاط رہے، انھوں نے کبھی نہیں کہا کہ منھ کھولوں گا تو یہ شکل دکھانے کے قابل نہیں رہیں گے نہ ہی کسی کے ساتھ سیٹ ایڈجسٹمنٹ کا سوچا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں