عابد شیرعلی ووٹوں کی دوبارہ گنتی پر ناکام، فرخ حبیب کی جیت برقرار abid sher ali
The news is by your side.

Advertisement

عابد شیرعلی ووٹوں کی دوبارہ گنتی پر ناکام، فرخ حبیب کی جیت برقرار

لاہور: پاکستان مسلم لیگ ن نے رہنما عابد شیر علی این اے 108 میں ووٹوں کی دوبارہ گنتی پر بھی ناکام ہوگئے، پی ٹی آئی کے فرخ حبیب کی جیت برقرار رہی۔

تفصیلات کے مطابق این اے 108 میں ووٹوں کی دوبارہ گنتی بھی عابد شیر علی کے کام نہیں آسکی، مسلم لیگ ن کے رہنما کے مزید سات سو ایک ووٹ کم ہوگئے، تحریک انصاف کے فرخ حبیب کی جیت برقرار رہی۔

پی کے 70 پر ری کاؤنٹنگ میں اے این پی کے خوشدل خان کامیاب قرار پائے، شاہ فرمان سیٹ سے ہاتھ دھو بیٹھے، پی کے 70 کی دوبارہ گنتی میں اے این پی کے خوشدل خان 187 ووٹوں سے کامیاب، حلقے میں خوشدل خان کی جانب سے دوبارہ گنتی کی درخواست کی گئی تھی، دوبارہ گنتی میں خوشدل خان نے 15 ہزار 544 ووٹ حاصل کیے۔

دوسری جانب این اے 158، این اے 182، اور ایک این اے 190 پر دوبارہ گنتی کی درخواستیں مسترد کردی گئیں، یوسف رضا گیلانی، ذوالفقار کھوسہ، جمشید دستی، میر بادشاہ قیصرانی کی جانب سے درخواست دائر کی گئی تھی۔

این اے 190 میں امجد فاروق کھوسہ نے پی ٹی آئی کے ذوالفقار کھوسہ کو ہرایا تھا، این اے 158 میں پی ٹی آئی کے ابراہیم خان نے یوسف رضا گیلانی کو شکست دی تھی جبکہ این اے 182 میں پیپلزپارٹی کے مہر ارشاد سیال نے جمشید دستی کو شکست دی تھی۔

کے پی اسمبلی میں اے این پی نے ایک اور نشست اپنے نام کرلی ہے، خیبرپختونخوا اسمبلی میں اے این پی سیٹوں کی تعداد 7 ہوگئی ہے، انتخابات میں تحریک انصاف کے شاہ فرمان 47 ووٹ سے کامیاب قرار پائے تھے، حلقے میں ووٹوں کی دوبارہ گنتی چھ روز جاری رہی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں