site
stats
پاکستان

تحریک انصاف اور مسلم لیگ ن اسٹیبلشمنٹ کی جماعتیں ہیں، بلاول بھٹو

لاہور: پیپلز پارٹی کے چیئرمین بلاول بھٹو نے کہا ہے کہ ن لیگ اور پی ٹی آئی اسٹیبلشمنٹ کی بنائی ہوئی جماعتیں ہیں، دونوں ایک ہی سکے کےدو رخ ہیں، اس لیے عوامی مسائل حل نہیں کر سکتیں۔

لاہور میں گوجرانوالہ ڈویژن کے پارٹی عہدے داروں کے اعزاز میں دیے گئے افطار ڈنر پروگرام سے خطاب کرتے ہوئے بلاول بھٹو نے کہا کہ مسلم لیگ ن آئینی اداروں کے خلاف طوفان برپا کرنا چاہتی ہے، پی پی نے اداروں کے تحفظ کا جو اعلان کیا ہے اُسے پورا کر کے دکھائے گی۔

انہوں نے کہا کہ ن لیگ اور تحریک انصاف اسٹیبلشمنٹ کی بنائی جماعتیں ہیں، دونوں جماعتیں ایک ہی سکے کےدو رخ ہیں، ایسی خودساختہ لوگ عوام کی خدمت نہیں کرسکتے۔

بلاول بھٹو نے سابق چیف کو تنقید کا نشانہ بناتے ہوئے کہا کہ افتخارمحمد چوہدری کے سیاسی مقاصد تھے وہ پیپلزپارٹی کے ساتھ  ذاتی عناد رکھتے تھے۔ تقریب میں سینیٹر اعتزاز احسن، قمر زمان کائرہ، چودھری منظور،اوردیگرسینئررہنما بھی موجود تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top