نوازحکومت نے سب سے زیادہ اشتہارات جیوکو دیئے -
The news is by your side.

Advertisement

نوازحکومت نے سب سے زیادہ اشتہارات جیوکو دیئے

اسلام آباد : نواز حکومت نے جنگ گروپ کے ٹی وی چینل جیو کو نواز دیا، تین سال میں پینتالیس کروڑ روپے کے سرکاری اشتہارات دیئے گئے۔ پی ٹی وی کو بارہ کروڑ اوراےآروائی نیٹ ورک کو صرف پانچ کروڑ چھیانوے لاکھ روپے کے اشتہارات دیئے گئے۔

تفصیلات کے مطابق نوازحکومت کی جیو پر نوازشات جاری ہیں سرکاری مال لینے میں جیو سرفہرست نکلا، ٹی وی چینلز کیلئے مجموعی اشتہارات کی تیرہ فیصد رقم صرف جیو کے اکاؤنٹ میں گئی۔

یکم جولائی دوہزار تیرہ سے پچیس جولائی دوہزار سولہ تک جیو کو پینتالیس کروڑ چوالیس لاکھ کے اشتہارات دیئے گئے۔ جیو نیوز کو سب سے زیادہ تینتالیس کروڑ بیاسی لاکھ تیرانوے ہزار روپے کےاشتہارات جاری کیے گئے۔

جیو تیز کو ایک کروڑ انیس لاکھ، جیوکہانی کو پچیس لاکھ چوہتر ہزار اورجیو سوپر کو سوا سولہ لاکھ کے اشتہارات دیئے گئے۔ جبکہ نوازحکومت نے اے آر وائی نیٹ ورک کو تین سال میں صرف ڈیڑھ فیصد مالیت کے اشتہارات دیئے جس کی کل رقم پانچ کروڑ ستانوےلاکھ روپے۔بنتی ہے۔

اس کے علاوہ دنیا نیوز کو سینتیس کروڑ بتیس لاکھ کے اشتہارات ملے۔ اب تک نیوز کو اشتہارات کی مد میں انتیس کروڑ چھیانوے لاکھ روپے ادا کئے گئے، ڈان نیوز کو چودہ کروڑ پانچ لاکھ اورسما ٹی وی کو دس کروڑ چوالیس لاکھ کے اشتہارملے۔

وفاقی حکومت سرکاری ٹی وی کو بھی خاطرمیں نہ لائی، حکومت نے پی ٹی وی کو بارہ کروڑ باہتر لاکھ روپے کے اشتہاردیئے۔

Comments

comments

یہ بھی پڑھیں