site
stats
پاکستان

ن لیگ کی حکومت نوازشریف کی بادشاہت قائم کرنا چاہتی ہے،عمران خان

اسلام آباد : پاکستان تحریک انصاف کے سربراہ عمران خان نے کہا ہے کہ ن لیگ کی حکومت نوازشریف کی بادشاہت قائم کرنا چاہتی ہے، قانون کوغلط استعمال کرکےسیاسی حریفوں کو دھمکایا جارہا ہے۔

تفصیلات کے مطابق ہاکستان تحریک انصاف کے چیئرمین عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ ن لیگ کی حکومت نوازشریف کی بادشاہت قائم کرنا چاہتی ہے، قانون کو غلط استعمال کرکے سیاسی حریفوں کو دھمکایا جارہاہے، ن لیگی حکومت کی اس کوشش کی شدید مذمت کرتا ہوں۔

عمران خان نے کہا کہ ن لیگ نے دھاندلی کیخلاف دھرنوں میں اے ٹی اے کا غلط استعمال کیا، ہمارے خلاف ایف آئی آر میں دہشتگردی کے الزامات لگائے گئے اور اب مجھے سائبرکرائم لا سے دھمکایا جا رہا ہے۔

پی ٹی آئی کے چیئرمین نے کہا کہ ہمارے خلاف بھی مقدمات درج کیے جارہے ہیں اور دھرنے کے دوران بھی ڈرانے کی کوششیں کی گئیں ہیں۔عمران خان کا کہنا تھا کہ کسی خوف کا شکار ہونگے اور نہ ہی ہتھکنڈوں سے مرعوب ہونگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top