The news is by your side.

Advertisement

مسلم لیگ ن کے انٹرا پارٹی الیکشن کل ہوں گے

لاہور : پاکستان مسلم لیگ ن کے کل ہونے والے انٹرا پارٹی الیکشن کے لیے وزیرا عظم میاں نواز نواز شریف نے پارٹی کی صدارت کے لئے کاغذات نامزد گی جمع کرادیئے ہیں۔

تفصیلات کے مطابق پاکستان مسلم لیگ ن کے دس بڑے عہدوں کے لیے انٹر پارٹی الیکشن کل ہونے جا رہے ہیں جس کے لیے بہ طور صدارتی امیدوار وزیر اعظم پاکستان نے اپنے کاغزات نامزدگی جمع کرا دیے ہیں،وزیر اعظم کی جانب سے کاغذات نامزدگی وفاقی وزیر برائے اطلاعات اور نشریات پرویز رشید نے دیگر وزراء کے ساتھ جمع کروائے۔

بعد ازاں میڈیا سے بات کرتے ہوئے خواجہ سعد رفیق نے بتایا کہ کل انٹرا پارٹی الیکشن میں میاں محمد نواز شریف بہ طورصدارتی امیدوار حصہ لے رہے ہیں، مسلم لیگ ن جمہوری اور سیاسی جماعت ہے جہاں فیصلے جمہورکی آراء کے تحت کیے جاتے ہیں

اس موقع پر خواجہ سعد رفیق نے تحریک انصاف کے سربراہ عمران خان کو شدید تنقید کا نشانہ بناتے ہوئے کہا کہ ملک کو انارکی کی جانب لے جانے والے جمہوریت پسند نہین،جو دارلخلافہ کو بند کرنا چاہتا ہو وہ ملک کا خیر خواہ کیسے ہو سکتا ہے؟

دوسری جانب اسلام آباد میں وزیرا عظم کی زیر صدرات ن لیگ کے اہم رہنماؤں کا اجلاس ہوا جس میں وزیراعظم کو کل ہونے والے پارٹی انتخابات کے لئے تیاریوں پربریفنگ دی گئی اور پارٹی انتخابات سے متعلق حکمت عملی پر تبادلہ خیال کیا گیا۔

اجلاس میں وزیر اعلیٰ پنجاب شہباز شریف،وفاقی وزراء اسحاق ڈار،پرویز رشید،چوہدری نثار،خواجہ آصف سمیت دیگراہم رہنماؤں نے شرکت کی اور ملک کی سیاسی صورت حال پر تبادلہ خیال کیا۔

Comments

comments

یہ بھی پڑھیں