اڈیالہ جیل: لیگ رہنما کی نواز شریف اور مریم نواز سے ملاقات
The news is by your side.

Advertisement

اڈیالہ جیل: لیگی رہنماؤں کی نوازشریف اور مریم نواز سے ملاقات

راولپنڈی: اڈیالہ جیل میں لیگی رہنماؤں نے سابق وزیراعظم میاں نوازشریف اور ان کی صاحب زادی مریم نواز سے ملاقات کی ہے۔

تفصیلات کے مطابق سینئر ارکان اور مسلم لیگ ن کے نو منتخب ارکان قومی و صوبائی اسمبلی نے اڈیالہ میں مسلم لیگ کے قائد سے ملاقات کی۔

مسلم لیگ ن کے صدر شہبازشریف اڈیالہ جیل سپرنٹنڈنٹ کے کمرے میں میاں نوازشریف سے ملے، ملاقات میں اہم امور زیر بحث آئے۔

ملاقات کرنے والوں میں خواجہ آصف، سعد رفیق، احسن اقبال، خرم دستگیر، مریم اورنگزیب، راجا ظفرالحق، اسپیکرپنجاب اسمبلی رانا اقبال بھی شامل تھے۔

یاد رہے کہ احتساب عدالت سے 6 جولائی کو ایون فیلڈ ریفرنس میں سزا پانے والے میاں نواز شریف اور مریم نواز کو 13 جولائی کو لندن سے وطن واپسی پر گرفتار کیا گیا تھا۔

واضح رہے کہ آج اڈیالہ جیل میں قیدیوں سے ملاقات کا دن تھا، جس کے پیش نظر لیگی رہنما مسلم لیگ کے قائد سے ملاقات کے لیے آئے تھے۔

میاں نواز شریف کو چند روز قبل پمز اسپتال سے اڈیالہ منتقل کیا گیا تھا، جہاں وہ بیماری کے سبب زیر علاج تھے۔


نوازشریف کی طبیعت بتدریج بہتر ہونے لگی


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں