The news is by your side.

Advertisement

حکومت سے ملک نہیں چل رہا، کاروبار رک چکے ہیں، مریم نواز

لاہور: مسلم لیگ ن کی نائب صدر مریم نواز شریف نے کہا ہے کہ سلیکٹڈ وزیراعظم سے ملک نہیں چل رہا، کاروبار رک چکے ہیں۔

تفصیلات کے مطابق مسلم لیگ ن کی نائب صدر مریم نواز نے لاہور سے اے پی سی میں شرکت کے لیے اسلام آباد جاتے ہوئے موٹروے پر ویڈیو پیغام میں کہا کہ جس نے موٹروے بنائے ملک کو ترقی دی وہ سلاخوں کے پیچھے ہے۔

مریم نواز نے کہا کہ نواز شریف نے عوام کے حق حکمرانی کا علم بلند کیا، پاکستان کو سجایا سنوارا، ملک کو ایٹمی قوت بنایا جس کی انہیں سزا مل رہی ہے۔

انہوں نے کہا کہ میرے والد نواز شریف نے عوام کے لیے آسانیاں پیدا کیں، اللہ نواز شریف کے لیے آسانیاں پیدا کرے گا۔

مسلم لیگ ن کی نائب صدر کا کہنا تھا کہ تین مرتبہ وزیراعظم نواز شریف آج قید کی سزا بھگت رہے ہیں اور عمران خان نے ملک کا یہ حال کردیا ہے کہ ملک کی ترقی رک چکی ہے۔

مریم نواز نے کہا کہ موجودہ حکومت کی پالیسیوں کی وجہ سے ملک کی غریب عوام مہنگائی کی چکی میں پس رہے ہیں۔

واضح رہے کہ چند روز قبل مریم نواز نے کہا تھا کہ جعلی حکومت کی نالائقی نے معیشت کو مذاق بنادیا، معیشت مکمل طور پر تباہ ہوچکی ہے۔

ان کا کہنا تھا کہ شریف خاندان الحمدللہ متحد ہے، کسی قسم کا کوئی اختلاف نہیں ہے، میرا اور میرے چچا کا انتہائی ادب و احترام کا رشتہ ہے۔

Comments

comments

یہ بھی پڑھیں