نواز نے خود کچھ نہیں کیا،ہمارے کاموں کا کریڈٹ لے رہے ہیں، آصف زرداری asif zardari
The news is by your side.

Advertisement

مسلم لیگ (ن) نے خود کچھ نہیں کیا،ہمارے کاموں کا کریڈٹ لے رہی ہے، آصف زرداری

لاہور : سابق صدر آصف زرداری نے کہا ہے کہ پاک چین اقتصادی راہداری کا منصوبہ پیپلز پارٹی کا تھا جس کے لیے میں اپنے دورِ صدارت میں چین کے کئی دورے کیے لیکن آج سی پیک کا تمام کریڈٹ مسلم لیگ (ن) لینا چاہ رہی ہے.

وہ لاہور میں میڈیا سے گفتگو کر رہے تھے آصف زرداری نے کہا کہ مسلم لیگ (ن) سے کوئی رابطہ نہیں ہوسکتا ہے اور نواز شریف سے ملاقات تو دور کی بات فون پر بھی بات نہیں ہوسکتی ہے.

آصف زرداری نے کہا کہ صرف سی پیک ہی نہیں بلکہ چین، ترکی اور ایران سے بارٹرسسٹم کا پروگرام بھی ہمارا تھا لیکن نہایت افسوس کے ساتھ کہنا پڑتا ہے کہ ہمارے بارٹر سسٹم کے پروگرام کو چلنے نہیں دیا گیا اور پاکستان کو ناقابل تلافی نقصان پہنچایا گیا.

انہوں نے کہا کہ ہمارے دور کے کئی پروجیکٹس کو اپنا بنا کر مسلم لیگ(ن) عوام کو دھوکا نہیں دے سکتی ہے اور آئندہ ہونے والے الیکشن میں عوام اپنی رائے دہی کے ذریعے یہ فیصلہ بھی سنا دیں گے کہ کل بھی بھٹو زندہ تھا آج بھی بھٹو زندہ ہے.

آصف زرداری نے کہا کہ ملک کی معیشت کو بدحالی کی ڈگر پرلانے والوں کا احتساب عوام 2018 کے الیکشن میں کریں گے اور روشن و خوشحال پاکستان کے لیے پیپلز پارٹی کو ووٹ دیں گے.

انہوں نے کہا کہ ماضی کے برعکس آئندہ الیکشن کو آر اوز کا الیکشن نہیں بننے دیں گے پنجاب میں پوری تیاری سے اتریں گے اور ہر حلقے سے مضبوط امیدوار کھڑا کریں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔

Comments

comments

یہ بھی پڑھیں