کراچی: پاکستان میری ٹائم سیکیورٹی ایجنسی نے بھارتی ماہی گیروں کی جانیں بچالیں۔
ترجمان میری ٹائم سیکیورٹی ایجنسی کے مطابق بھارتی ماہی گیر پاک بھارت میری ٹائم باؤنڈری لائن کے قریب ڈوب رہے تھے، اور میری ٹائم سیکیورٹی کے جہاز نے دوران گشت ماہی گیروں کو ڈوبتے دیکھا۔
میری ٹائم سیکورٹی ایجنسی کے مطابق فوری ہنگامی امدادی کوششیں کی گئیں اور بھارتی ماہی گیروں کی کشتی کے عملے کے تمام ارکان کو کامیابی سے بچا لیا گیا۔
During routine patrolling in Eastern maritime region, PMSA ship rescued 6 #Indian fishermen who were drowning close to Int'l Maritime Boundary Line b/w IND & PAK. Nakwa reported that their boat sank as a result of the accident & they drifted towards Pakistani waters. pic.twitter.com/XoMke464US
— PAKISTAN MARITIME SECURITY AGENCY (@PMSAHQ) October 7, 2022
ریسکیو کئے گئے ماہی گیروں کو میری ٹائم سیکیورٹی ایجنسی کی جانب سے خوراک اور طبی امداد فراہم کی گئی، جس سے ان کی جسمانی حالت کو مستحکم کرنے میں مدد ملی۔
PMSA Ship provided first aid & food to fishermen thus helping to stabilise their physical condition. Later, the rescued fishermen were handed over to ICG ship operating in the area. The #humanitarian gesture of PMSA ship was appreciated by the rescued fishermen as well as by ICG pic.twitter.com/E1W7eLI9HA
— PAKISTAN MARITIME SECURITY AGENCY (@PMSAHQ) October 7, 2022
پی ایم ایس اے کے مطابق بعد ازاں ماہی گیروں کو انسانی ہمدردی کی بنیاد پر قریبی گشت کرنے والے بھارتی کوسٹ گارڈ کے جہاز میں منتقل کردیا گیا۔
یہ بھی پڑھیں: پاکستانی سمندری حدود کی خلاف ورزی، 36 بھارتی ماہی گیر گرفتار
بھارتی کوسٹ گارڈ کے اہلکاروں نے انسانی ہمدردی کی بنیاد پر پاکستانی میری ٹائم سکیورٹی ایجنسی کی تعریف کی۔
واضح رہے کہ بحیرہ عرب میں سمندری حدود کی خلاف ورزی اور اسکے نتیجے میں گرفتاریاں دونوں ممالک کی جانب سے معمول کی بات ہیں۔
سمندری حدود کی واضح تقسیم نہ ہونے اورماہی گیروں کی کشتیوں میں سمندری حدود کا تعین کرنے والے جدید آلات نہ ہونے کے باعث اکثر دونوں ممالک کے ماہی گیرغلطی سے سرحد پار کرجاتے ہیں اور اکثر ماہی گیر اپنی سزا کی مدت ختم کرنے کے باوجود کمزور سفارتی تعلقات کے باعث جیل میں رہ جاتے ہیں۔
