پاک بحریہ کے جہاز کا الجیریا کی بندرگاہ کا دورہ -
The news is by your side.

Advertisement

پاک بحریہ کے جہاز کا الجیریا کی بندرگاہ کا دورہ

کراچی: پاک بحریہ کے جہاز پی این ایس اصلت نے شمالی افریقی ملک الجیریا کی بندرگاہ الجزائر کا دورہ کیا۔ الجزائر نیول بیس کے کمانڈر نے جہاز کا پرتپاک استقبال کیا۔

ترجمان پاک بحریہ کا کہنا ہے کہ پاک بحریہ کے کسی بھی جہاز کا الجزائر کی بندرگاہ کا یہ پہلا دورہ ہے۔ مشن کمانڈر نے الجیرین نیوی کے کمانڈر سینٹرل میری ٹائم ریجن سے ملاقات کی۔

مشن کمانڈر نے الجیرین نیوی چیف آف آپریشنز سے بھی ملاقات کی۔ ملاقاتوں کے دوران باہمی تعاون کے مختلف شعبہ جات پر تبادلہ خیال کیا گیا۔

ترجمان کا کہنا ہے کہ پاک بحریہ کے وفد نے الجیرین نیول اکیڈمی کا دورہ بھی کیا۔ الجیرین نیول اکیڈمی کمانڈنٹ نے وفد کا استقبال کیا۔

الجیریا کی سول و عسکری رہنماؤں نے پی این ایس اصلت کا بھی دورہ کیا۔ اس موقع پر دونو ں ممالک کی مشترکہ بحری مشقوں کا انعقاد بھی کیا گیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں