پاک بحریہ کا جہازمصرکے دفاعی دورے پرالیگزینڈریہ پہنچ گیا -
The news is by your side.

Advertisement

پاک بحریہ کا جہازمصرکے دفاعی دورے پرالیگزینڈریہ پہنچ گیا

کراچی: پاک بحریہ کا جہاز پی این ایس سیف ان دنوں مصر کی بندر گاہ الیگزینڈریا( اسکندریہ) کا دورہ کررہا ہے جہاں پاک بحریہ کے حکام کا پرتپاک استقبال کیا گیا۔

تفصیلات کے مطابق الیگزینڈریا کی بندر گاہ پہنچنے پر پاکستان کے دفاعی اتاشی اور مصر کی بحریہ کے آفیسرز نے پاکستانی جہازکاپرتپاک استقبال کیا ، دفاعی نوعیت کے اس اہم دورے میں میری ٹائم سیکیورٹی میں پاک بحریہ کے مستعد کردار کو اجاگر کیا گیا۔

جہاز کے کمانڈنگ آفیسر نے مصر کی بحریہ کے سینئر آفیسرز سے ملاقاتیں کی اور ملاقاتوں کے دوران باہمی دلچسپی کے پیشہ ورانہ اُمور پر تبادلہ خیال کیا گیا۔ اس موقع پر پی این ایس سیف کے کمانڈنگ آفیسرنے الیگزینڈریا میں یادگارِشہداء پر پھولوں کی چادر بھی چڑھائی۔

پی این ایس سیف پر منعقدہ تقریب کے دوران پاک بحریہ کے کمانڈنگ آفیسر نے علاقائی میری ٹائم سکیورٹی میں پاک بحریہ کے مستعد کردار کو اُجاگر کیا گیا۔

ترجمان پاک بحریہ کا کہنا تھا کہ پی این ایس سیف کا یہ دورہ دونوں ممالک کے مابین تعلقات میں مزید استحکام کا باعث ہو گا۔

یاد رہے کہ اس سے قبل روسی نیول ڈے پر پاک بحریہ کا ایک اور جہاز پی این ایس اصلت بھی روس کا دورہ کرچکا ہے، رشین فیڈریشن نیوی کے مختلف عہدیداران نے اس موقع پر جہاز کا دورہ بھی کیا تھا۔پی این ایس اصلت نے رشین فیڈریشن نیوی ڈے کی تقریبات میں بھی شرکت کی۔ رشین فیڈریشن نیوی ڈے کی تقریبات میں شریک ہونے والا یہ واحدغیر ملکی بحری جہاز تھا۔

Comments

comments

یہ بھی پڑھیں