The news is by your side.

Advertisement

پی این ایس شفا میں جدید کارڈیک یونٹ کا افتتاح

کراچی: پاک بحریہ کے سربراہ ایڈمرل ذکا اللہ نے پی این ایس شفاء کراچی میں امراض قلب کے لیے جدید انٹروینشنل کارڈیک یونٹ کا افتتاح کردیا۔

تفصیلات کے مطابق پاکستان نیوی کے زیر انتظام اسپتال پی این ایس شفا میں امراض قلب کے بہتر علاج کے لیے جدید سہولیات سے آراستہ انٹروینشنل کارڈیک یونٹ نے کام شروع کردیا، آج پاک بحریہ کے سربراہ ایڈمرل ذکا اللہ نے یونٹ کا افتتاح کردیا۔

افتتاحی تقریب کارڈیک یونٹ میں منعقد ہوئی جس میں ایڈمرل ذکا اللہ سمیت دیگرافسران اور اسپتال انتظامیہ نے شرکت کی۔

پاک بحریہ کے سربراہ ایڈمرل محمد ذکاء اللہ نے مختصر وقت میں کارڈیک یونٹ کے قیام پر پی این ایس شفاء کی انتظامیہ کو خراج  تحسین پیش کیا اور امید ظاہر کی کہ یہ اسپتال مسلح افواج کے افراد اور مقامی شہریوں کو یکساں طور پر معیاری طبی سہولیات کی فراہمی جار ی رکھے گا۔

ترجمان کے مطابق 25 بستروں پر مشتمل انٹروینشنل کارڈیک یونٹ کا قیام شہر میں دستیاب طبی سہولیات کو مزید بہتر بنانے کے لیے پاک بحریہ کی ایک نمایاں کاوش ہے،  اس یونٹ کے قیا م کے بعد تینوں مسلح افواج کے افراد اور عام شہریوں کو جدید طریقہ علاج انجییو گرافی، انجیو پلاسٹی اورسی ٹی انجیوکی سہولیات میسر ہوں گی۔

Print Friendly, PDF & Email

Comments

comments

یہ بھی پڑھیں