ٹوئٹر نے ایک اور زبردست فیچر کی آزمائش شروع کر دی ہے، یہ فیچر ہے ’آڈیو اسٹیشن‘ جس پر پوڈ کاسٹ بھی سنے جا سکیں گے۔
مائیکرو بلاگنگ ویب سائٹ کے مطابق دنیا بھر میں ’ٹوئٹر اسپیس‘ کے ٹیب کو بہتر بنانے کے فیچر پر آزمائش شروع کر دی گئی ہے، اور اس پر پوڈ کاسٹ بھی سنے جا سکیں گے۔
ٹوئٹر نے بلاگ پوسٹ میں بتایا کہ صارفین جب اسپیس کے ٹیب میں جائیں گے تو انھیں 3 آپشن نظر آئیں گے، جس میں سے ایک پوڈکاسٹ جب کہ دوسرا ’اسٹیشن‘ کا ٹیب ہوگا۔ اس میں صارفین اپنی پسند کے مطابق مختلف خبریں، پروگرامات اور رپورٹس کو سن سکیں گے۔
صارفین مختلف معروف نشریاتی اداروں کی جانب سے کرنٹ افیئرز، اسپورٹس اور شوبز، اور سیاست پر بھی آڈیو خبریں اور فیچرز سن سکیں گے، پوڈ کاسٹ کے ٹیب میں دنیا بھر کے سب سے زیادہ دیکھے اور سنے جانے والے پوڈکاسٹ بھی سنے جا سکیں گے۔
good news, today we’re starting to test a new Spaces Tab
even better news, it includes podcasts, themed audio stations, and (of course) recorded + live Spaces pic.twitter.com/TGS2aVsUI1
— Spaces (@TwitterSpaces) August 25, 2022
اس فیچر کے تحت ابتدائی طور پر صارفین انگریزی زبان کے پوڈ کاسٹ اور آڈیو نیوز سن سکیں گے، تاہم مستقبل میں دیگر زبانوں کے پوڈ کاسٹ بھی سنے جا سکیں گے۔ اسپیس کا فیچر بھی اپڈیٹ ہو رہا ہے، اس کے بعد صارفین اسپیسز کو ریکارڈ کر سکیں گے۔
