روم: اٹلی کے شہریوں نے کرونا لاک ڈاؤن کے دوران بے گھر افراد کی مدد کے لیے منفرد کام کر کے مثال قائم کردی۔
اٹلی میں کرونا وائرس کے پیش نظر صورت حال انتہائی خراب ہے اور وہاں روزانہ کی بنیاد پر کیسز رپورٹ ہورہے ہیں جس کی وجہ سے حکومت نے تمام شہروں کو لاک ڈاؤن کر دیا ہے۔
اٹلی میں فٹ پاتھ پر رہنے والے بے گھر افراد لاک ڈاؤن کی وجہ سے بہت پریشان تھے کیونکہ انہیں کھانے پینے کے حوالے سے سنگین مسائل کا سامنا تھا۔
Sharing is caring | Italian man feeds homeless from his balcony amid lockdown pic.twitter.com/SZjDtxsc4a
— RT (@RT_com) April 2, 2020
اٹلی کے شہریوں نے بے گھر افراد کی مدد کرنے کا انوکھا طریقہ نکالا اور اپنے گھروں کی بالکونیوں سے ٹوکریاں باہر لٹکا دیں جن میں پھل، کھانا اور دیگر ضروری اشیاء موجود ہیں۔
رپورٹ کے مطابق اس ٹوکریوں کو ’سپورٹ باسکٹ‘ کا نام دیا گیا جس میں ہر وقت کھانا موجود رہتا ہے اور جیسے ہی کوئی اُس میں رکھی اشیاء لے کر جائے تو شہری اسے بھر کر دوبارہ لٹکا دیتے ہیں۔