اسلام آباد: انقلابی شاعر حبیب جالب کو خراج عقیدت پیش کرنے کے لئے شہر اقتدار میں اک خوبصورت شام کا اہتمام کیا گیا۔
اسلام آباد کے تفریحی مقام لوک ورثہ میں سجائی گئی ایک دلکش محفل میں عظیم انقلابی شاعر حبیب جالب کی شخصیت ، کردار اور شاعری کی محاسن کو خراج تحسین پیش کیا گیا۔
محفل میں شریک چیئرمین سینٹ میاں رضا ربانی ، سینٹر افراسیاب خٹک اورمیر حاصل بزنجو نے حبیب جالب کی آمریت اورغیر جمہوری حکومتوں کے خلاف جدوجہد پر روشنی ڈالی۔
شاعری تقریب میں حبیب جالب کے خیالات کی عکاسی کے لیے منفرد انداز اپنایا گیا جس نے حاضرین محفل کے دلوں کو چھو لیا، سیاستدانوں اورعلم و ادب کا ذوق رکھنے والوں سمیت شہریوں کی بڑی تعداد نے اس محفل میں بھرپور شرکت کی۔
