سانگھڑ: ضلع سانگھڑ کے نواحی علاقے میں زہریلا کھانا کھانے سے 10 سالہ بچی جاں بحق جبکہ 17 افراد کی حالت غیر ہوگئی۔
تفصیلات کے مطابق زہریلا کھانا کھانے سے جاں بحق ہونے والی بچی اور متاثرہ 17 افراد کا تعلق ایک ہی خاندان سے ہے جن میں بچے اور خواتین شامل ہیں۔
ریسکیو ذرئع کے مطابق متاثرہ افراد کو فوری طور پر طبی امداد فراہم کرنے کے لیے حیدر آباد اسپتال منتقل کیا جاچکا ہے جن میں سے 2 خواتین کی حالت تشویشناک ہے۔
یاد رہے کہ گزشتہ کئی برسوں سے پاکستان میں زہریلا کھانا کھانے سے درجنوں افراد جاں بحق اور سینکڑوں متاثر ہوچکے ہیں۔
اس سے قبل سنہ 2015 میں وفاقی دارالحکومت اسلام آباد میں واقع پاکستان سویٹ ہومز میں رہائش پذیر درجنوں بچے غیر معیاری کھانا کھا کر بے ہوش ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں