The news is by your side.

Advertisement

حیدرآباد : زہریلی شراب پینے سے تین افراد ہلاک

حیدرآباد : زہریلی شراب پینے سے تین افراد ہلاک ہوگئے جبکہ متعدد کی حالت تشویشناک ہے، مرنے والوں میں دو سگے بھائی بھی شامل ہیں۔

تفصیلات کے مطابق حیدرآباد کے علاقے پریٹ آباد میں دیسی زہریلی شراب پینے سے تین افراد بے ہوش ہوگئے جنہیں اسپتال منتقل کیا گیا، جہاں دوران علاج دم توڑ گئے، ہلاک ہونے والوں میں 2 سگے بھائی تھے۔ لاشیں گھر پہنچنے پر کہرام مچ گیا اہل خانہ دھاڑیں مار مار رونے لگے۔

اس حوالے سے پولیس نے میڈیا کو تفصیلات سے آگاہ کرتے ہوئے کہا کہ زہريلی شراب پينے سے 3 افراد ہلاک ہوئے ہیں، جس میں دو سگے بھائی بھی شامل ہیں، مرنے والوں کے نام منا، نور محمد اور اسلم ہے۔

پولیس حکام کا کہنا ہے کہ یہ زہریلی شراب گھر ميں ہی بنائی گئی تھی تین دوستوں نے مل کر شراب کشید کی ، پھر  اس شراب کو پانچ افراد نے پیا۔

پولیس کے مطابق زہریلی شراب کو پانچ افراد نے پیا  دو افراد کی حالت خراب ہونے پر انہیں فوری طور پر اسپتال منتقل کیا گیا، جس سے پولیس کو واقعہ کا علم ہوا۔

پولیس کا کہنا ہے کہ  واقعہ گزشتہ روز پیش آیا تھا، شراب پینے سے دو افراد کی ہلاکت کل اور ایک کی موت آج ہوئی۔ پولیس نے مقدمہ درج کرکے مزید تحقیقات کا آغاز کردیا ہے۔

Comments

یہ بھی پڑھیں