پولینڈ کے سابق صدر کی 6سال بعد قبرکشائی -
The news is by your side.

Advertisement

پولینڈ کے سابق صدر کی 6سال بعد قبرکشائی

وارسا: پولش حکام کا کہناہے کہ سابق صدر اور ان کی اہلیہ سمیت 2010 طیارے حادثے میں ہلاک ہونے والے افراد کی قبرکشائی کی گئی تاکہ پوسٹ مارٹم کرکے حقائق کو سامنے لایا جاسکے۔

تفصیلات کےمطابق پولیش حکومت کی جانب سے پولینڈ کے سابق صدر لیخ کاچنسکی اور ان کی اہلیہ کی قبرکشائی کی گئی ہےاور اس کا مقصد اس بات کی تصدیق کرنا ہے کہ واقعی وہاں کاچنسکی ہی کو دفن کیا گیا تھا۔

p3

گزشتہ سال قدامت پسند پارٹی کے حکومت میں آنے کےبعد حکومت میں کئی سینیئر عہدیداروں نے پچھلی حکومت اور ماسکو میں قائم کمیٹی کی تحقیقات کو چیلنج کیا تھا۔

p1

p4

خیال رہے کہ پولستانی انتظامیہ اور ماسکو تحقیقاتی ٹیم کی رپورٹ میں سابق صدر کے طیارے کے حادثے کی وجہ گہری دھند کو قراردیا گیا تھاجس کی وجہ سے طیارہ روس میں گر کرتباہ ہوا اور اس میں سوار 96افراد جان کی بازی ہارگئےتھے۔

p5

یاد رہے کہ 2015 نومبر میں اقتدار میں آنے کے بعد وزیردفاع انتونیونے ایک تحقیقاتی کمیٹی تشکیل دی تھی جو اس حادثےکی دوبارہ سے تحقیقات کرے۔انہوں نے خدشہ ظاہر کیا تھا کہ حادثے میں طیارے کےملبے پر دھماکہ خیز مواد کےنشانات تھے۔

p7

دوسری جانب پولینڈ کے وزیردفاع کی جانب سے طیارے حادثے کے متعلق خدشات کو ماسکو تحقیقاتی ٹیم نے مسترد کردیا تھا۔

واضح رہے کہ سابق صدر لیخ کاچنسکی2010ء میں اس وقت طیارے کے ایک حادثے میں ہلاک ہو گئے تھے جب وہ ایک بڑے وفد کے ہمراہ ایک تقریب میں شرکت کے لیے روس جا رہے تھے۔

p8

Comments

comments

یہ بھی پڑھیں