وہاڑی میں پولیس مقابلہ، 3 ملزمان ہلاک، دو زخمی حالت میں فرار۔پولیس مقابلہ
The news is by your side.

Advertisement

وہاڑی میں پولیس مقابلہ، 3 ملزمان ہلاک، دو زخمی حالت میں فرار

کرمپور: پنجاب کے ضلع وہاڑی میں پولیس مقابلے کے نتیجے میں 3 ملزمان ہلاک جبکہ دو زخمی حالت میں فرار ہوگئے۔

تفصیلات کے مطابق ضلع وہاڑی کے علاقے کرمپور میں مبینہ پولیس مقابلہ ہوا جس کے باعث تین ملزمان کی ہلاکتیں سامنے آئیں، جبکہ دو زخمی حالت میں موقع سے فرار ہونے میں کامیاب ہوگئے۔

پولیس حکام کا کہنا ہے کہ 5 ڈاکو علاقے سے موٹرسائیکل چھین کرفرار ہورہے تھے، ناکے پر روکے جانے پر ملزمان نے اہلکاروں پر فائرنگ کی۔

پولیس کے مطابق اہلکاروں کی جوابی فائرنگ سے 3 ڈاکو موقع پر ہی ہلاک ہوگئے، جبکہ دو ڈاکو زخمی حالت میں فرار ہونے میں کامیاب ہوگئے۔

ننکانہ صاحب میں پولیس مقابلہ‘ 4 ڈاکو ہلاک

پولیس حکام کا یہ بھی کہنا تھا کہ مقابلے میں مارے گئے ڈاکوؤں کی شناخت کی جارہی ہے۔

دوسری جانب لاہور کے علاقے مناواں پولیس کی کارروائی سامنے آئی جس کے باعث تین ملزمان گرفتار ہوئے۔

پولیس کا کہنا ہے کہ گرفتار ہونے والے ملزمان نے کارروائی کے دوران فائرنگ بھی کی تھی۔

گرفتار ملزمان سے 2 کلاشنکوف، ایک اسٹین گن، 2پسٹل اور 200 گولیاں برآمد ہوئی ہیں۔

خیا رہے کہ رواں سال اگست میں پنجاب کے علاقے ننکانہ صاحب میں پولیس مقابلے کے دوران 4 ڈاکو ہلاک جبکہ فائرنگ کے تبادلے میں دو شہری بھی جاں بحق ہوگئے تھے۔

Comments

comments

یہ بھی پڑھیں