کراچی: پولیس کی مختلف علاقوں میں کارروائیاں، 6 ملزمان گرفتار، اسلحہ برآمد
The news is by your side.

Advertisement

کراچی: پولیس کی مختلف علاقوں میں کارروائیاں، 6 ملزمان گرفتار، اسلحہ برآمد

کراچی: شہر قائد کے مختلف علاقوں میں پولیس نے کارروائیاں کرتے ہوئے 6 ملزمان کو گرفتار کرلیا جن کے قبضے سے اسلحہ بھی برآمد ہوا۔

تفصیلات کے مطابق پولیس کی جانب سے کراچی کے دو مختلف علاقوں میں کارروائیاں کی گئیں جس کے باعث چھ ملزمان کی گرفتاری عمل میں آئی۔

پولیس حکام کا کہنا ہے کہ کراچی کے علاقے خیابان اتحاد کی 26 اسٹریٹ میں پولیس نے کارروائی کے دوران چار ملزمان کو دھر لیا۔

پولیس کے مطابق علاقے میں ایک گاڑی کی چیکنگ کے دوران 250 سے زائد اسمگل شدہ شراب کی بولتیں برآمد ہوئیں، گرفتار چاروں ملزمان سے مزید تفتیش کی جاری ہے۔

دوسری جانب کورنگی میں پولیس نے کارروائی کی جس کے نتیجے میں دو ملزمان گرفتار ہوئے۔

کراچی: پولیس کی مختلف علاقوں میں کارروائیاں، 6 ملزمان گرفتار، اسلحہ برآمد

پولیس حکام کا کہنا تھا کہ مذکورہ کارروائی کے لیے جانے والی پولیس کو ملزمان نے دیکھتے ہی فائرنگ شروع کردی، جبکہ جوابی کارروائی میں دو ملزمان زخمی حالت میں گرفتار ہوئے، ملزمان سے اسلحہ برآمد کرلیا۔

خیال رہے کہ گذشتہ روز بھی کراچی کے علاقے گلبرگ، اورنگی ٹاؤن اور گلشن اقبال میں پولیس نے کارروائیاں کی تھیں، جس کے باعث چھ ملزمان کی گرفتاری عمل میں آئی تھی۔

واضح رہے کہ گذشتہ روز کی ہی کارروائی میں عمران نامی خطرناک اسٹریٹ کرمنل کو سی سی ٹی وی فوٹیج کی مدد سے گرفتار کیا گیا تھا، گرفتار ملزم سے اسلحہ اور مسروقہ موٹرسائیکل بھی بدآمد ہوئی تھی۔

Comments

comments

یہ بھی پڑھیں