کراچی: پولیس کی مختلف علاقوں میں کارروائیاں، 8 ملزمان گرفتار، اسلحہ برآمد
The news is by your side.

Advertisement

کراچی: پولیس کی مختلف علاقوں میں کارروائیاں، 8 ملزمان گرفتار

کراچی: شہرقائد کے مختلف علاقوں میں پولیس نے کارروائیاں کرتے ہوئے 8 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے علاقے گلشن اقبال، سچل اسپارکو رروڈ اور نارتھ ناظم آباد میں پولیس کی جانب سے کارروائیاں کی گئیں جس کے باعث آٹھ ملزمان کی گرفتاریاں عمل میں آئیں۔

پولیس حکام کا کہنا ہے کہ سچل اسپارکو روڈ پر مبینہ پولیس مقابلہ ہوا جس کے باعث ملزم زخمی حالت میں گرفتار ہوا۔

پولیس کا کہنا ہے کہ فائرنگ کے تبادلے کے بعد ملزم لیاقت زخمی حالت میں گرفتار ہوا، ملزم سے اسلحہ اور لوٹی گئی ایک لاکھ روپے سے زائد نقدی برآمد ہوئی، جبکہ گرفتار ملزم کا ساتھی پولیس مقابلے کے بعد فرار ہونے میں کامیاب ہوگیا۔

دوسری جانب گلشن اقبال بلاک 6 میں پولیس نے کارروائی کرتے ہوئے ملزم گرفتار کرلیا جبکہ ساتھی فرار ہونے میں کامیاب ہوگیا۔

پولیس حکام کے مطابق گرفتار ملزم جنید ساتھی سمیت علاقے میں لوٹ مار کررہا تھا، گرفتار ملزم سے اسلحہ، موبائل فون اور نقدی برآمد ہوئی، ملزم جنید کے خلاف مختلف تھانوں میں مقدمات درج ہیں۔

علاوہ ازیں تیموریہ پولیس کی کارروائی کے دوران منشیات فروش 5 ساتھیوں سمیت گرفتار ہوگیا، منشیات فروش یامین عرف میناد رجنوں مقدمات میں مطلوب ہیں۔

پولیس کا کہنا تھا کہ منشیات فروشوں سے 2 ہزار گرام چرس برآمد ہوئے، ملزمان میں جمعہ خان، منٹھارعلی، شعیب عرف رگو، وقار اور منیر احمد شامل ہے۔

Comments

comments

یہ بھی پڑھیں