The news is by your side.

Advertisement

کراچی کے مختلف علاقوں میں پولیس مقابلے، 5 ملزمان گرفتار، اسلحہ برآمد

کراچی: شہرقائد کے مختلف علاقوں میں پولیس مقابلوں کے نتیجے میں 5 ملزمان گرفتار ہوئے جن کے قبضے سے اسلحہ برآمد کرلیا گیا۔

تفصیلات کے مطابق کراچی کے علاقے گلشن اقبال اور باغ کورنگی میں پولیس مقابلے ہوئے، جبکہ سرینا مارکیٹ کے قریب پولیس کارروائی میں ایک بھتہ خور گرفتار ہوا۔

پولیس حکام کا کہنا ہے کہ گلشن اقبال میں پولیس اور ڈاکوؤں میں مقابلہ ہوا، فائرنگ کے تبادلے کے بعد ایک زخمی سمیت 3 ڈاکو گرفتار ہوئے۔

پولیس کے مطابق گرفتار ملزمان کے قبضے سے اسلحے سے بھری گاڑی برآمد ہوئی ہے، 4 ڈاکو بنگلے میں واردات کی نیت سے داخل ہوئے تھے، تاہم تین کی گرفتاری عمل میں آئی جبکہ ملزمان کا ایک ساتھی موقع سے فرار ہوگیا۔

دوسری جانب کراچی کے علاقے باغ کورنگی میں پولیس مقابلہ ہوا جس کے باعث ملزم زخمی حالت میں گرفتار ہوا، گرفتار ملزم حماد سے اسلحہ اور موٹر سائیکل برآمد ہوئی۔

کراچی میں ڈکیتیوں میں افغان گروہ بھی ملوث ہے، پولیس رپورٹ میں انکشاف

پولیس کا کہنا ہے کہ ملزم شارع فیصل پر پیٹرول پمپ پر ڈکیتی میں ملوث ہے، ملزم کو سی سی ٹی وی فوٹیج کی مدد سے گرفتار کیا گیا۔

علاوہ ازیں پولیس کی ایک اور کارروائی میں ملزم گرفتار ہوا، ملزم حبیب سے بھتے کی رقم اور موبائل فون برآمد ہوا، ملزم کی گرفتاری سرینامارکیٹ کے قریب سے عمل میں آئی۔

خیال رہے کہ پولیس نے ایک رپورٹ میں انکشاف کیا ہے کہ شہرِ قائد میں ڈکیتیوں کی وارداتوں میں افغان گروہ بھی ملوث ہے جو آٹھ سال سے شہر کے مختلف علاقوں میں وارداتیں کر رہا ہے۔

Comments

comments

یہ بھی پڑھیں