کراچی کے مختلف علاقوں میں پولیس مقابلے، دو ملزمان گرفتار، اسلحہ برآمد
The news is by your side.

Advertisement

کراچی کے دو مختلف علاقوں میں پولیس مقابلے، دو ملزمان گرفتار، اسلحہ برآمد

کراچی: شہر قائد کے دو مختلف علاقوں میں پولیس مقابلوں کے دوران دو ملزمان زخمی حالت میں گرفتار ہوئے، اسلحہ بھی برآمد ہوا۔

تفصیلات کے مطابق کراچی کے علاقے پی ای سی ایچ ایس اور محمود آباد میں پولیس مقابلے ہوئے جس کے باعث دو ملزمان کی گرفتاری عمل میں آئی اور اسلحہ بھی برآمد ہوا۔

پولیس حکام کا کہنا ہے کہ کراچی کے علاقے پی ای سی ایچ ایس سوسائٹی میں پولیس مقابلے کے دوران اسٹریٹ کرمنل گرفتار ہوا۔

پولیس کے مطابق ملزم طارق کو مقابلے کے بعد زخمی حالت میں گرفتار کیا گیا، گرفتار ملزم کے قبضے سے اسلحہ اور چھینا گیا سامان بھی برآمد ہوا۔

دوسری جانب کراچی کے علاقے محمودآباد میں پولیس مقابلے کے بعد زخمی حالت میں ملزم گرفتار ہوا، گرفتار ملزم کی شناخت باقر کے نام سے ہوئی جبکہ ساتھی موقع سے فرار ہونے میں کامیاب ہوگیا۔

کراچی: ناظم آباد میں ڈکیتی کی کوشش ناکام‘ 1 ڈاکو ہلاک

پولیس کا کہنا تھا کہ ملزمان چنیسرگوٹھ میں شہری سے لوٹ مار کررہے تھے، گرفتار ملزم سے اسلحہ اور چھینا گیا سامان برآمد کرلیا گیا ہے۔

خیال رہے کہ گذشتہ روز شہر قائد کے علاقے ناظم آباد میں پولیس اہلکاروں اور ڈاکوؤں میں فائرنگ کا تبادلہ ہوا تھا جس کے نتیجے میں ایک ڈاکو ہلاک جبکہ دوسرے کو زخمی حالت میں گرفتار کرلیا گیا تھا۔

واضح رہے کہ اسی رات کراچی کے علاقے بفرزون میں رات گئے پولیس نے کارروائی کرتے ہوئے متحدہ قومی موومنٹ (لندن) سے تعلق رکھنے والے دو ٹارگٹ کلر کو گرفتار کیا تھا۔

Comments

comments

یہ بھی پڑھیں