کراچی: مختلف علاقوں میں پولیس اور رینجرز کا مشترکہ آپریشن، 11 مشتبہ افراد گرفتار
The news is by your side.

Advertisement

کراچی: مختلف علاقوں میں پولیس اور رینجرز کا مشترکہ آپریشن، 11 مشتبہ افراد گرفتار

کراچی: شہرقائد کے مختلف علاقوں میں پولیس اور رینجرز نے مشترکہ آپریشن کرکے 11 مشتبہ افراد کو گرفتار کرلیا۔

تفصیلات کے مطابق کراچی کے علاقے قائد آباد اور شاہ لطیف میں پولیس اور رینجرز کی جانب سے کارروائیاں کی گئیں جس کے باعث گیارہ مشتبہ افراد گرفتار ہوئے۔

پولیس کا کہنا ہے کہ قائد آباد، شاہ لطیف اور اطراف میں رینجرز کے ہمراہ رات گئے سرچ آپریشن کیا گیا۔

پولیس کے مطابق گھر گھر تلاشی کے دوران گیارہ مشتبہ افراد کو حراست میں لے لیا ،سرچ آپریشن جرائم پیشہ افراد کی موجودگی کی اطلاع پر کیا گیا۔

کراچی میں پولیس کی کارروائیاں‘ 15 ملزمان گرفتار

خیال رہے کہ دو روز قبل کراچی کے علاقے قائد آباد میں بم دھماکا ہوا جس کے نتیجے میں دو افراد جاں بحق جب کہ 12 زخمی ہو گئے تھے۔

بم ڈسپوزل اسکواڈ نے کہا تھا کہ دھماکے میں 500 گرام سے زائد بارودی مواد استعمال ہوا۔

واضح رہے کہ گذشتہ روز آرمی چیف جنرل قمر جاوید باجوہ نے پاکستان رینجرز سندھ کے ہیڈکوارٹرز دورے کے موقع پر کہا کہ کراچی میں تجارتی سرگرمیوں کو تقویت دینے کے لیے سیکورٹی کی صورتِ حال کو مزید بہتر بنائیں گے۔

Comments

comments

یہ بھی پڑھیں