جمعرات, فروری 13, 2025
اشتہار

لاہور پریس کلب کے باہر صحافی کا قتل ، 3 شوٹرز گرفتار

اشتہار

حیرت انگیز

لاہور : پریس کلب کے باہر صحافی کے قتل میں ملوث 3افراد کو گرفتار کرلیا گیا ، حسنین شاہ کو  لین دین کے تنازعہ پر قتل کروایا گیا۔

تفصیلات کے مطابق لاہور پریس کلب کے باہر نجی ٹی وی کے کرائم رپورٹر حسنین شاہ کے قتل کیس میں اہم پیش رفت ہوئی، پولیس نے تین شوٹرز کو گرفتار کرلیا، ملزمان کو سی سی ٹی فوٹیج اور سیف سٹی کیمروں کی مدد سے گرفتار کیا گیا۔

،آپریشنزپولیس نے کہا کہ قتل میں ملوث گرفتار ملزمان سے تفتیش جاری ہے ، حسنین شاہ کو سونے کا کاروبار کرنے والے عامر بٹ نے لین دین کے تنازعہ پر قتل کروایا۔

پولیس ذرائع کا کہنا تھا کہ جیولر گروپ شہر میں زیورات دے کر سود کا کام کرتا ہے جبکہ سونے کا کاروبار کرنے والے عامر بٹ نے خود کو سی آئی اے پولیس کے حوالے کردیا ہے۔، عامر بٹ نے جیل روڈ پر واقعہ شوروم میں ایس پی سی آئی اے کو اپنی گرفتاری دی۔

ذرائع کے مطابق عامر بٹ کا کہنا ہے کہ اسکا حسنین شاہ کے قتل کیس سے کوئی تعلق نہیں ہے تاہم پولیس قتل میں ملوث جیولر گروپ کے مالک اور ملزمان سے تفتیش کررہی ہے۔

یاد رہے چند روز قبل مقامی صحافی حسنین شاہ کو شوٹرز نے فائرنگ کرکے پریس کلب کے سامنے قتل کردیا تھا۔

اہم ترین

مزید خبریں