The news is by your side.

Advertisement

کراچی سے ’وائٹ کرولا‘ گینگ کے 4 کارندے گرفتار

کراچی: شہر قائد میں وارداتیں کرنے والے وائٹ کرولا گینگ کے چار ملزمان کو گرفتار کرلیا گیا۔

اے آر وائی نیوز کی رپورٹ کے مطابق کراچی کے علاقے کلفٹن اور اطراف میں ویک اینڈ پر وارداتیں کرنے والے وائٹ کرولا گینگ کے 4 ملزمان کو گرفتار کرلیا گیا۔

ذرائع کے مطابق گرفتار ملزمان بنگلوں میں لوٹ مار کی وارداتیں کرتے تھے ، ملزمان نے 6 سے 8 نومبر کے دوران متعدد گھروں میں لوٹ مار کا اعتراف کیا۔

پولیس کا کہنا ہے کہ گروہ نے دو ہفتہ وار چھٹیوں میں 15 بنگلوں میں وارداتیں کیں، ملزمان نے کرائے پر گھر لے رکھا تھا جس کے آدھے حصے میں اہلخانہ اور آدھے میں ڈکیت رہائش پذیر تھے، ملزمان لوٹ مار کا کچھ حصہ دکھاوے کے لیے ساتھ رکھی گئی فیملی کو دیتے تھے۔

پولیس حکام کے مطابق گروہ کا آرگنائزر کراچی میں واٹر ٹینکر چلاتا رہا ہے، ملزم نے پشاور کراچی کے لیے بس بھی ڈرائیو کی، ملزمان میں ناصر شاہ عرف حاجی، آصف خان، سردار ، راج ولی شامل ہیں۔

پولیس کا کہنا ہے کہ ملزمان کے خلاف مقدمہ درج کرکے تحقیقات کا آغاز کردیا گیا ہے، ملزمان کے مزید ساتھیوں کی تلاش میں چھاپے مارے جارہے ہیں۔

Comments

یہ بھی پڑھیں