کراچی: سعودآباد پولیس نے سیکیورٹی اہلکارکے قتل میں ملوث دو ملزمان کو گرفتارکرکے اسلحہ برآمدکیا گیا ہے۔
تفصیلات کے مطابق ملزمان کا تعلق لیاری گینگ وار سے بتایا جاتا ہے، پولیس حکام کے مطابق 28 جولائی کو نیشنل ہائی وے پر حسن جنرل اسپتال کے قریب مسلح افراد نے سیکیورٹی فورس کے اہلکار شعیب کو فائرنگ کرکے شدید زخمی کردیا تھا جواسپتال پہنچ کردم توڑگیا تھا۔
پولیس نے اس واقعہ میں ملوث دوملزمان فیصل احمد اور محمد اسلم کو گرفتار کرکے اسلحہ برآمد کرنے کا دعویٰ کیا ہے۔
پولیس کاکہنا ہے کہ ملزمان کا تعلق لیاری گینگ وار سے ہے جو کہ لوٹ مار کی 250 سے زائد وارداتوں میں ملوث ہیں، پولیس کے مطابق ملزمان نے دوران تفتیش بتایا کہ انہوں نے لوٹ مار کے دوران فائرنگ بھی کی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں