The news is by your side.

Advertisement

لاہور: طالبہ کو زیادتی اور قتل کی دھمکیاں دینے والا ملزم ابشام گرفتار

لاہور: صوبہ پنجاب کے شہر لاہور میں طالبہ کو مبینہ طور پر زیادتی اور قتل کی دھمکیاں دینے والے ملزم ابشام کو گرفتار کرلیا گیا ، فیاض الحسن چوہان کا کہنا ہے کہ درندے کو نشانہ عبرت نہ بنایا تو کل کسی اور بچی کو پریشان کرے گا۔

تفصیلات کے مطابق لاہور میں تھانہ سندر پولیس نے سوشل میڈیا پر لڑکی کو ہراساں اور جان سے مارنے کی دھمکیاں دینے والے ملزم ابشام اور اس کے والد عمران کو گرفتار کر لیا۔

وزریراطلاعات پنجاب فیاض الحسن چوہان نے ملزم کی گرفتاری کے بعد اپنے بیان میں کہا آج سے تین دن پہلےسوشل میڈیا پر خبر وائرل ہوئی تھی، یہ نوجوان بچی اور فیملی کو دھمکیاں دیتا رہا ، درندے کو نشانہ عبرت نہ بنایا تو کل کسی اور بچی کو پریشان کرےگا۔

فیاض الحسن چوہان کا کہنا تھا کہ لڑکی کے والد نے پہلے منع کیا پھر تفصیلی بات کےبعد راضی ہوئے ، لڑکی کےوالد نے بتایا کہ سواسال پہلے ایف آئی اے کو درخواست دی ، ایف آئی اے نے کارروائی نہیں کی ، ایسے معاملات پر ہم سب لوگوں کو اپنا رویہ ٹھیک کرناچاہیے۔

وزریراطلاعات پنجاب نے کہا کہ عثمان بزدار کی ہدایت تھی 24گھنٹے میں ملزمان گرفتار کریں، سی سی پی او عمر شیخ نے 10گھنٹوں میں باپ بیٹے کو گرفتار کرایا، ملزمان کو گرفتارکرنے پراےایس پی رضا تنویرکو خراج تحسین پیش کرتاہوں۔

ان کا کہنا تھا کہ دھمکیاں دینےپر باپ بیٹے کیخلاف نئی ایف آئی آر درج کرائی گئی ہے، لاہور پولیس کی کارکردگی ایسی رہی تو عوام کا اعتماد بڑھے گا، لاہور اور پنجاب پولیس پر آؤٹ آف وے کام شروع کیا ہے۔

یاد رہے ملزم ابشام نے سوشل میڈیا پرلڑکی کو جان سے مارنے کی دھمکیاں دی تھیں ، لڑکی کو دھمکیاں دینے کے خلاف مقدمہ درج ہواتھا تاہم ملزمان گرفتار نہ تھے، فیاض الحسن چوہان نے سی سی پی او لاہورکو کل ملزمان کوپکڑنے کی ہدایات دی تھیں۔

ایف آئی اے لاہور نے بھی لڑکی کے والدکی مدعیت میں مقدمہ درج کیا تھا، ایف آئی اے سائبر کرائم کا کہنا تھا کہ مقدمہ ابشام اوراسکی والدہ کیخلاف درج تھا۔

خیال رہے لاہور میں طالبہ نے ریپ اور قتل کی دھمکیاں دینے والے ابشام نامی لڑکے کو سوشل میڈیا پر بے نقاب کیا تھا ، متاثرہ لڑکی کا موقف تھا کہ ابشام 2016 سے تنگ کررہا ہے، مقدمہ درج ہونے کے باوجود پولیس نے کوئی کارروائی نہیں کی۔

ایف آئی آر درج ہونے کے باوجود پولیس کی جانب سے کوئی کارروائی نہ کرنے پر لڑکی نے سوشل میڈیا کا سہارا لے کر ملزم کی دھمکیوں کے اسکرین شاٹس اور ویڈیو شیئر کیں، جس کے بعد سوشل میڈیا پرابشام کو حوالات میں بند کرو کا ہیش ٹیگ ٹاپ ٹرینڈ کرنے لگا تھا

متاثرہ لڑکی کےمطابق ملزم نہ صرف ریپ بلکہ جان سے مارنے کی بھی دھمکیاں دیتا ہے، لڑکی نے ملزم ابشام زاہد کی ایک ویڈیو بھی شیئرکی جس میں وہ اسلحہ دکھا کردھمکیاں دے رہا تھا۔

Comments

یہ بھی پڑھیں