The news is by your side.

Advertisement

کراچی، مویشی بیوپاری کو قتل کرنے والے ملزمان گرفتار

کراچی: سندھ پولیس نے شہر قائد کے علاقے فیڈرل بی ایریا میں کارروائی کر کے مویشی بیوپاری کے قاتلوں کو گرفتار کرلیا۔

ایس ایس پی سینٹرل عارف اسلم راؤ کا کہنا تھا کہ ملزمان نے بیوپاری نعیم قریشی سے لوٹ مار کی کوشش کی اور مزاحمت پر اُسے گولیاں مار دیں تھیں۔

ملزمان بیوپاری سے 13 لاکھ روپے چھین کر فرار ہوگئے تھے، فائرنگ کے نتیجے میں نعیم قریشی زخمی ہوا تھا جو بعد میں دورانِ علاج دم توڑ گیا تھا۔

عارف اسلم راؤ کے مطابق گرفتار ہونے والے ملزمان 35 سے زائد وارداتوں میں ملوث ہیں، گرفتار ہونے والے دونوں افراد نے گلشن اقبال، نارتھ ناظم آباد، گلستان جوہر سمیت دیگر علاقوں میں ڈکیتی کی کارروائیاں کرنے کا اعتراف کیا۔

ایس ایس پی سینٹرل کے مطابق گرفتار ملزمان کے قبضے سے اسلحہ برآمد کیا گیا ہے، پولیس نے ملزمان کے خلاف مقدمہ درج کرلیا اور انہیں جلد عدالت میں پیش بھی کیا جائے گا جس کے بعد قتل کیس اور دیگر واقعات کے حوالے سے مزید تفتیش کی جائے گی۔

fb-share-icon0
Tweet 20

Comments

comments

یہ بھی پڑھیں