کراچی: کورنگی میں بچی کو اغوا کرنے کی کوشش ناکام‘ ملزم گرفتار -
The news is by your side.

Advertisement

کراچی: کورنگی میں بچی کو اغوا کرنے کی کوشش ناکام‘ ملزم گرفتار

کراچی : شہر قائد کے علاقے کورنگی میں علاقہ مکینوں نے بچی کے اغوا کی کوشش ناکام بناتے ہوئے ملزم کو پکڑ لیا۔

تفصیلات کے مطابق کراچی کے علاقے کورنگی میں ملزم نے بچی کو اغوا کرنے کی کوشش کی جس پربچی نے شور مچانا شروع کردیا۔

شور سن کر موقع پر موجود افراد نے ملزم کو پکڑکراسے تشدد کا نشانہ بنایا اور پھر اسے پولیس کے حوالے کردیا۔ پولیس نے بچی کے والد کی مدعیت میں ملزم کے خلاف مقدمہ درج کرکے مزید تحقیقات کا آغاز کردیا ہے۔

پولیس حکام کے مطابق رواں ماہ کراچی میں تقریبا دس بچوں کے اغوا یا لاپتہ ہونے کے واقعات رپورٹ ہوئے جس میں سوائے 8 ماہ کی بچی فائزہ کے تمام بچے اپنے گھروں کو لوٹ آئے۔

کراچی: نامعلوم خاتون 8 ماہ کی بچی ماں کی گود سے چھین کر فرار

یاد رہے کہ گزشتہ ہفتے شہر قائد کے علاقے اولڈ سٹی ایریا میں نامعلوم خاتون ماں سے 8 ماہ کی بچی کو چھین کر فرار ہوگئی تھی۔

واضح رہے کہ 13 ستمبرکو سندھ ہائی کورٹ نے اغوا اور گمشدہ بچوں کی بازیابی کے حوالے سے پیش کی جانے والی پولیس رپورٹ کو مسترد کرتے ہوئے آئی جی سندھ کو ذاتی حیثیت میں طلب کیا تھا۔

Comments

comments

یہ بھی پڑھیں