The news is by your side.

Advertisement

کراچی : پولیس کی کاروائیاں، سولہ ملزمان گرفتار

کراچی :شہر قائد میں جرائم پیشہ عناصر کے خلاف پولیس کی کاروائیاں،شہر کے مختلف علاقوں سے سولہ ملزمان گرفتار کر کے اسلحہ برآمد کر لیا گیا.

تفصیلات کے مطابق کراچی کے علاقے محمود آباد میں پولیس کی جانب سے سرچ آپریشن کیاگیاایس ایس پی ساؤتھ ڈاکٹر فاروق کے مطابق سرچ آپریشن کے دوران مخصوص گھروں اور زیر تعمیرگھروں کی تلاشی لی گئی.

پولیس نے آپریشن کے دوران زیر تعیمر عمارت کے کمپاونڈ سے بڑی تعداد میں تخریب کاری کا سامان برآمد کرلیا،اسلحہ کمپاونڈ کی کے اندر زمین میں چھپاا گیا تھا.

ایس ایس پی ڈاکٹر فاروق کا کہنا ہے کہ برآمد ہونے والے تخریب کاری کے سامان میں چار بال بم،ایک آوان بم،دو رپیٹر،دو پستول، سیکٹروں گولیاں اور کارتوس شامل ہیں،اسلحہ چھپانے والے دہشت گردوں کی تلاش کا سلسلہ جاری ہے.

اُن کا مزید کہنا تھا کہ آپریشن کے دوران چارمشتبہ افراد کو حراست میں بھی لیا گیا ہے،حراست میں لیے گئے افراد کو تھانے منتقل کردیا گیا.

دوسری جانب کراچی کے علاقے نارتھ ناظم آباد میں پولیس مقابلے کے دوران ایک ملزم زخمی حالت میں گرفتار کرلیا گیا ہے، پولیس کے مطابق گرفتار ملزم اختر کوہستانی کے قبضے سے اسلحہ برآمد کرلیا گیا ہے،ملزم مختلف جرائم کی وارداتوں میں ملوث ہے.

شاہراہ فیصل پر پولیس مقابلے کے بعد دو ملزم زخمی حالت میں گرفتار کر لیے گئے،پولیس کے مطابق گرفتار ملزمان شفیق چنا اور ملک رفاقت اسٹریٹ کرائم کی مختلف وارداتوں میں ملوث ہیں،ملزمان کے قبضے سے اسلحہ اور مسروقہ سامان برآمد کرلیا گیا ہے.

ادھر اورنگی ٹاون پیرآباد سے تین ملزموں کو گرفتار کرلیا گیا جبکہ گلشن معمار میں نینشل ایکشن پلان کے تحت کارروائی کے دوران چھ تارکین وطن کر گرفتار کرلیا گیا پولیس کے مطابق ملزمان کے خلاف فارن ایکٹ کے تحت مقدمہ درج کیا گیا ہے.

Print Friendly, PDF & Email

Comments

comments

یہ بھی پڑھیں