کراچی اور حیدرآباد میں پولیس کی کارروائیاں‘ 8 ملزمان گرفتار -
The news is by your side.

Advertisement

کراچی اور حیدرآباد میں پولیس کی کارروائیاں‘ 8 ملزمان گرفتار

کراچی : شہرقائد اور حیدرآباد میں پولیس نے کارروائیوں کے دوران 8 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے علاقے کورنگی میں مبینہ پولیس مقابلے کے بعد دوملزمان زخمی حالت میں گرفتار کرلیے گئے۔ ملزمان سے اسلحہ اورمسروقہ سامان برآمد ہوا۔

پولیس حکام کا کہنا ہے گرفتارملزمان میں جاوید اخترعرف بابا اور راشد شامل ہیں جبکہ ملزمان کے دو ساتھی موقع سے فرارہو گئے۔

دوسری جانب کراچی کے علاقے لانڈھی نمبرچار میں پولیس مقابلےمیں زخمی ملزم گرفتار ہوا، پولیس نے فیملی کولوٹنے والے تین ڈاکوؤں کو تعاقب کے بعد ملیرسٹی سے حراست میں لے لیا۔

پولیس کے مطابق ملزمان سے اسلحہ، موٹرسائیکلیں اورچھینا گیا سامان برآمد ہوا ہے۔

ادھر حیدرآباد کےعلاقے بھٹائی نگرمیں مبینہ پولیس مقابلہ کے بعد دو ڈاکو زخمی حالت میں گرفتار کیے گئے۔

پولیس حکام کے مطابق ملزمان کی شناخت جاوید بروہی اور اکرم خان کے ناموں سے ہوئی، ملزم جاوید بروہی کا تعلق کراچی سے ہے۔

کراچی میں پولیس مقابلہ‘ 2 ٹارگٹ کلرہلاک

یاد رہے کہ تین روز قبل کراچی میں ابوالحسن اصفہانی روڈ پر اسکاؤٹ کالونی کے قریب پولیس مقابلے میں دو ٹارگٹ کلر ہلاک ہوگئے تھے۔

Comments

comments

یہ بھی پڑھیں