ریاض : سعودی عرب میں ملازمت یا سیاحتی دورے پر آنے والے افراد کو ویزے کے حصول کے لیے اپنے ملک کی پولیس سے تصدیق شدہ بہتر کردار کی سند پیش کرنا لازمی ہوگا.
تفصیلات کے مطابق سعودی حکومت نے ملازمت اور تفریحی دورے کے خواہش مند افراد کے لیے پولیس کیریکٹر سرٹیفیکیٹ لازمی قرار دے دیا ہے اور اس سند کے بغیر سعودی ویزہ جاری نہیں کیا جائے گا جس کا اطلاق 26 فروری 2018 سے ہوگا تاہم حج اور عمرے پر آنے والے زائرین کو استثنیٰ حاصل ہوگا.
ذرائع کے مطابق سعودی حکومت کی جانب سے یہ فیصلہ داخلی اور خارجی سیکیورٹی صورت حال کے پیش نظر کیا گیا ہے، سعودی حکام نے تمام مالک کو ایک مراسلے کے ذریعے اس فیصلے سے آگاہ کردیا ہے جس میں کہا گیا ہے کہ 25 فروری کے بعد سیاحتی اور جاب ویزوں کے حصول کے لیے آنے والی درخواستوں کے ساتھ متعلقہ تھانے کا کیریکٹر سرٹیفیکیٹ منسلک ہونا لازمی ہے بصورت دیگر ویزہ درخواست منسوخ کردی جائے گی.
یاد رہے جہاں وژن 2023 کے تحت سعودی عرب خود انحصاری کی جانب تیزی سے رواں دواں ہے وہیں روزگار کے مواقعوں پر پہلی ترجیح مقامی افراد کو دی جارہی ہے جب کہ خواتین کو بھی تجارت اور ملازمت کے یکساں مواقع فراہم کیے جا رہے ہیں اسی طرح گیر ملکیوں کے لیے ویزوں کی شرائط سخت کی جارہی ہے.
