The news is by your side.

Advertisement

ایسٹر حملے: سری لنکا پولیس سربراہ اور سابق سیکریٹری دفاع گرفتار

کولمبو: سری لنکا کی حکومت نے  اپنے پولیس کے سربراہ اور سابق سیکریٹری دفاع کوگرفتار کر لیا.

تفصیلات کے مطابق حکومتی ترجمان نے کہا ہے کہ ایسٹر سنڈے پر بم دھماکوں کو روکنے میں ناکامی پر دونوں شخصیات کو برطرف کرکے گرفتار کیا گیا.

گرفتار ی کے وقت دونوں شخصیات (پولیس سربراہ پوجت جییا سندرا اور سابق سیکریٹری دفاع ہیما سری فرنناڈو ) دو مختلف اسپتالوں میں زیر علاج تھیں.

قبل ازیں ملک کے چیف پراسیکیوٹر نے اپنے ایک اہم بیان میں کہا تھا کہ دہشت گردی کی وارداتوں کو روکنے میں ان دونوں اہل کاروں کی ناکامی انسانیت کے خلاف سنگیں جرم ہے.

چیف پراسیکیوٹر نے یہ بھی کہا کہ ان کے خلاف قتل کے مقدمات قائم کیے جانے چاہییں۔ پوجت جییا سندرا سری لنکا کی تاریخ کے پہلے پولیس سربراہ ہیں، جنھیں‌ گرفتار کیا گیا.

مزید پڑھیں: سری لنکا ایسٹر حملے، پولیس افسر نے صدر کے احکامات نظر انداز کردیے

اطلاعات کے مطابق دونوں شخصیات اسپتالوں ہی میں زیر علاج رہیں‌گے. تفتیشی اہل کار مجسٹریٹ کے سامنے ان کی گرفتاری کی رپورٹ پیش کریں گے، جس کے بعد جیل یا اسپتال میں رکھنے کا حتمی فیصلہ ہوگا.

ملک کے اٹارنی جنرل دپولا دی لیورا نے پیر کو اپنے بیان میں کہا تھا کہ یہ دونوں افراد ممکنہ دہشت گردی کی پیشگی اطلاعات پر عمل کرنے میں ناکام رہے۔

Comments

comments

یہ بھی پڑھیں