The news is by your side.

بچوں کے اغوا کی افواہوں پر پولیس کی وضاحت آگئی

سوشل میڈیا کے مختلف اکاؤنٹس کے ذریعے بچوں کے اغوا کی افواہوں پر پنجاب پولیس کی وضاحت اگئی ہے۔

گزشتہ دنوں مختلف سوشل میڈیا اکاؤنٹس کے ذریعے گلی محلوں اور اسکولوں سے بچوں کے اغوا کرنے والے گروہوں کے متحرک ہونے کی افواہیں پھیلائی گئی تھیں۔

تاہم اب ٹویٹر پر پنجاب پولیس نے وضاحت دی ہے کہ’مختلف سوشل میڈیا اکاؤنٹس اور واٹس ایپ گروپ کے ذریعے گلی، محلوں اور اسکولوں سے بچوں کو اغوا کرنے والے گروہوں سے متعلق افواہیں پھیلائی جارہی ہیں جن میں کوئی صداقت نہیں ہے۔

پولیس کے مطابق ’ایسی افواہیں پھیلانے کا مقصد عوام اور والدین میں خوف و ہراس پھیلانا ہے۔‘

پولیس کا کہنا ہے کہ ’عوام سے گزارش ہے ذمہ دار شہری ہونے کا ثبوت دیں اور بلا تصدیق ایسی جھوٹی خبریں نہ پھیلائیں۔‘

Comments

یہ بھی پڑھیں