The news is by your side.

Advertisement

پولیس کی تحویل سے ایک اور خطرناک ملزم فرار، حکام میں کھلبلی

کراچی : پولیس کی تحویل سے ایک اور خطرناک ملزم فرار ہوگیا، شاہ لطیف پولیس نے چند روز قبل ملزم کو سنگین الزامات کے تحت گرفتار کیا تھا۔

تفصیلات کے مطابق دعا منگی قتل کے مقدمے میں ملوث ملزم شعیب قریشی کے فرار ہونے کے بعد کراچی پولیس اور ملزم کو قابو نہ کرسکی۔

اینٹی وہیکل لفٹنگ سیل (اے وی ایل سی) کی تحویل سے سنگین جرائم میں ملوث ملزم پولیس کو چکمہ دے کر فرار ہونے میں کامیاب ہوگیا۔

اس حوالے سے ذرائع کا کہنا ہے کہ ملزم ناصر ہزارہ کو عدالت میں پیش کیا جانا تھا، شاہ لطیف پولیس نے گرفتاری کے بعد ملزم کو اے وی ایل سی کے حوالے کیا تھا۔

ذرائع کے مطابق گرفتار ملزم کے خلاف متعدد مقدمات درج ہیں، جس میں قتل، اقدام قتل، موٹرسائیکل لفٹنگ سمیت دیگر مقدمات شامل ہیں۔

ملزم ناصر ہزارہ کے فرار ہونے کے واقعے کے بعد حکام میں ہلچل مچ گئی، ایس ایس پی اے وی ایل سی نے سخت ایکشن لیتے ہوئے انچارج جاوید ابڑو اور اے ایس آئی کو معطل کردیا، واقعے کی مزید تحقیقات شروع کردی گئی ہیں۔

Comments

یہ بھی پڑھیں