The news is by your side.

ملیر شمسی سوسائٹی میں قتل کی واردات ، ملزم کا بیان سامنے آنے کے بعد پولیس کا بڑا فیصلہ

کراچی : پولیس نے شمسی سوسائٹی میں بیوی بچوں کے قتل کے واقعے میں ملزم کے انویسٹرز کو شامل تفتیش کرنے کا فیصلہ کرلیا۔

تفصیلات کے مطابق کراچی کے علاقے شمسی سوسائٹی میں بیوی بچوں کے قتل کے واقعے کی تحقیقات جاری ہے ، پولیس نے ملزم کے انوسٹرز کو بھی شامل تفتیش کرنے کا فیصلہ کرلیا ہے۔

پولیس حکام نے کہا کہ انویسٹرز کا 164 کا بیان لیا جائے گا، ملزم کے فون سے ڈیٹا حاصل کیا جارہا ہے۔

حکام کا کہنا تھا کہ ملزم نے دعویٰ کیا تھا کہ اس نے اپنے انویسٹرز کو تصاویر بھیجی ہے، ڈاکٹرز نے ایک ماہ کا وقت دیا ہے کہ ملزم بیان دینے کے قابل ہوجائے گا۔

اس سے قبل پولیس نے بتایا تھا کہ ملزم فوادگزشتہ 5سال سےلوگوں کےپیسےانویسٹ کررہاتھا، ملزم فواد نے 7 انویسٹرز کے نام بھی پولیس کو بتا دیے ہیں۔

پولیس کا کہنا تھا کہ ملزم نے کچھ انویسٹرز کو ویڈیوکال اور کچھ کو لاشوں کی تصاویر بھیج کر آگاہ کیا۔

گذشتہ روز کراچی کےعلاقےملیرشمسی سوسائٹی میں گھرسےتین بچیوں اور ان کی والدہ کی لاشیں ملیں تھیں ،چاروں کو تیز دھار آلے سے قتل کیا گیا تھا۔

ایس ایس پی کورنگی ساجدامیرسدوزئی نے بتایا تھا کہ فواد نامی شخص نے بیوی بچوں کو قتل کرنے کے بعد خودکشی کی کوشش کی۔

قتل کیے گئے افرادمیں زخمی فواد کی اہلیہ ہما،سولہ سالہ بیٹی نیہا، بارہ سالہ بچی فاطمہ اور دس سالہ بچی ثمرہ شامل تھیں۔

Comments

یہ بھی پڑھیں