The news is by your side.

Advertisement

کراچی : لاکھوں روپے چھیننے والے دو ملزمان مقابلے کے بعد گرفتار

کراچی : بغدادی میں مبینہ پولیس مقابلہ ہوا ہے جس کے بعد پولیس نے ایک زخمی سمیت 2ملزمان کو گرفتار کرلیا۔

تفصیلات کے مطابق ملزم عبدالغفور، شاہ رخ نے مچھرکالونی میں ایک ماہ قبل 28 لاکھ چھیننے کی واردات کی تھی، ملزمان نے6ماہ قبل شیرشاہ پل کے قریب6لاکھ روپے چھینے تھے۔

پولیس کے مطابق گرفتار ملزمان نے شیر شاہ پنکھا ہوٹل کے قریب شہری سے 5موبائل فون اور قیمتی سامان چھینا تھا، اس کے علاوہ ماڑی پور کے علاقے میں بھی لوگوں سے متعدد موبائل فون اور نقد رقم لوٹی۔

پولیس حکام نے بتایا ہے کہ ملزمان نے داؤد گوٹھ موچکو کے علاقے میں ایک دکاندار سے لوٹ مار کی اور تقدم رقم کے علاوہ قیمتی سامان بھی سمیٹ کر لے گئے۔

اس کے علاوہ نیول رئیس گوٹھ سے ملزمان نے لوگوں سے کیش اور موبائل فون چھینے، زخمی ملزم کو اسپتال جبکہ دوسرے گرفتار ملزم کو تھانے منتقل کردیا گیا ہے۔

Comments

یہ بھی پڑھیں