The news is by your side.

Advertisement

بلال کالونی میں پولیس مقابلہ : زخمیوں سمیت 3 ملزمان گرفتار

کراچی : شہر قائد میں بلال کالونی تھانے کی حدود میں پولیس مقابلہ ہوا ہے جس میں 3 ملزمان کو گرفتارکرلیا گیا، دو ملزمان زخمی حالت میں اسپتال پہنچا دیئے گئے۔

ایس ایس پی سینٹرل معروف عثمان نے تفصیلات بتاتے ہوئے کہا کہ ملزمان شہریوں سے لوٹ مار کے بعد فرار ہو رہے تھے کہ گشت پر مامور پولیس اہلکار موقع پر پہنچ گئے۔

مسلح ملزمان نے پولیس کو دیکھ کر موبائل پر فائرنگ کردی، تاہم کوئی اہلکار زخمی نہیں ہوا، جوابی فائرنگ سے 2 زخمیوں سمیت 3 ملزمان کو گرفتارکرلیا گیا ہے۔

ایس ایس پی سینٹرل معروف عثمان نے بتایا کہ ملزمان سے3 پستول،8موبائل فون،8چھینے ہوئے پرس بھی برآمد کرلیے گئے ہیں۔

انہوں نے کہا کہ گرفتار زخمی ملزمان کوطبی امداد کیلئے اسپتال منتقل کیا جارہا ہے، مقابلے کے دوران پولیس موبائل پر بھی دو گولیاں لگیں۔

Comments

یہ بھی پڑھیں