کراچی میں ڈاکو بے قابو، پولیس نے مقابلے کے بعد زخمی ملزم کو گرفتار کرلیا -
The news is by your side.

Advertisement

کراچی میں ڈاکو بے قابو، پولیس نے مقابلے کے بعد زخمی ملزم کو گرفتار کرلیا

کراچی : شہر قائد میں ڈاکو مافیا ایک بار پھر سرگرم ہوگیا، بفرزون میں مسلح افراد نے دکان لوٹ لی جبکہ فیروز آباد پولیس نے مقابلے کے بعد ایک ملزم کو حراست میں لے لیا۔

تفصیلات کے مطابق کراچی کے علاقے فیروز آباد میں مبینہ پولیس مقابلے کے بعد زخمی حالت میں ڈاکو گرفتار کرلیا گیا، پولیس حکام کے مطابق گرفتار ڈاکو عمر عرف ڈینی شہر میں ہونے والی لوٹ مار کی سو سے زائد وارداتوں میں ملوث ہے۔

پولیس کا کہنا ہے کہ ڈاکو سے اسلحہ اور چھینی گئی موٹرسائیکل بھی برآمد ہوئی ہے۔ عمر نامی ڈاکو نے گزشتہ ماہ نرسری فرنیچرمارکیٹ میں ڈکیتی کی واردات کی تھی۔

واردات کی سی سی ٹی وی فوٹیج سے ملزم کی شناخت ہوئی۔ دوسری جانب کراچی کے علاقے بفرزون میں اسٹریٹ کرائم کی واردات ہوئی ہے جس میں ڈاکو شہریوں سے نقدی اور قیمتی اشیاء چھین کر فرار ہوگئے۔

پولیس حکام کے مطابق بفرزون سیکٹر پندرہ بی میں مسلح ملزمان نے شہریوں کے ساتھ دکان کے کیش کاؤنٹر سے بھی رقم لوٹ لی۔ واردات صبح چھ بجے کے بعد رپورٹ ہوئی۔

دکان میں نصب دو سی سی ٹی وی کیمروں میں ڈاکوؤں کے چہرے واضح نظر آ رہے ہیں۔ پولیس واردات کی رپورٹ درج کرکے ڈاکوؤں کو تلاش کر رہی ہے تاہم کامیابی نہیں مل سکی ہے۔

Comments

comments

یہ بھی پڑھیں